Ќе се венчаме на пролет, а на забавата ќе пее Северина

Загребчанките Марта Шушак, студентка на Филозофскиот факултет, и Мима Симич, филолог, не се обесхрабрени: во врска се последните две и пол години и сметаат дека се семејство.

Веќе две години го делат истиот кров, маса и постелнина. Својата љубов ја крунисаа со ветувања. Тие се Марта Шушак и Мима Симиќ, тие се семејство.

– Студираме и работиме, плаќаме даноци, ќирија, режиски трошоци и придонеси, активни сме во општеството, еднакво не загрижуваат невработеноста и несигурната иднина баш како и секој друг Хрват, со таа разлика што во Уставот ќе влезе одредба дека сме граѓанки од втор ред – објаснуваат од нивниот дом во центарот на Загреб.

 

Исус би рекол: Геј е ОК

Марта е студентка на шведски и германски јазик на Филозофскиот факултет, членка на ЛГБТ иницијативата АУТ, прва од таков тип во Хрватски.

Нејзината партнерка Мима по потекло е од Задар, филолог и филмска критичарка, водителка и активистка за човекови права и правата на животните. Можете да ја видите и слишнете на секој протест за некоја општествена неправда од било кој вид, нејзе и е сеедно дали се работи за борба за правата на жените, студентите, работниците. Една од тие борби деновиве стигна и на нејзиниот куќен праг, борбата за правата на сексуалните малцинства во кои припаѓа и самата: Хрватска одлучи да и го забрани правото на семејство.

– Кардиналот Божанич им прати порака на сите бискупи да повикаат на молитва за успех на референдумот и даде упати од олтарот јасно да се каже “за”. Ние ја немавме таа моќ и веќе со месеци се припремам за неуспех на референдумот. Иако и Исус веројатно би рекол дека Геј е ОК, мнозинството изгласа “за”, но јас веќе се помирив со тоа – објаснова Марта.

Нејзината партнерка Мима за резултатие од референдумот вели дека тоа е најдоброто што моментално Хрватска може да го призведе од аспект на разбирањето на демократијата.

– Би  било контрапродуктивно ако резултатот не обесхрабри затоа што никаде во светот таква промена во сфаќањата не се случува преку ноќ. Третина од Хрватите размислуваат, а остатокот реагира инстинктивно – коментира Мима, додавајќи дека е горда на Истра и на Приморско-горанската покраина.

Вели дека ќе го задржат оптимизмот кој се разбуди после “Сплитскиот масакар” кога Парадата на гордоста во Загреб собра над 10 илјади луѓе.

 

Излегување од плакарот

Својата сексуалност Мима ја откри на 19 годишна возраст со заминувањето од мала средина во странство, Лондон, каде на улиците во Сохо е сосема нормално две девојки да се држат за рака, а во книжарите да се најдат цели полици со ЛГБТ литература.

-Хомосексуалноста таму е најнормална субкултура која коегзистира со популарната култура. Во Англија чував деца: три момчиња и еден германски овчар. Испадна доста добро. Тие денес се возрасни луѓе и колку што знам хетеросексуални, освен овчарот за кој ни денес не знам која ориентација е – зборува Мима.

Растејќи на улиците на Загреб, нејзината девојка Марта самоспознавањето го помина на полесен и побрз пат, опкружена со Паради на годоста, знаејќи дека во нејзиниот град постојат геј клубови и ЛГБТ здруженија.

– Уште во раните тинејџерски години години во својата околина гледав луѓе кои “излегуваат од плакарот” и затоа ми беше потребно помалце време да прифатам дека сум лезбејка, тоа се случи на почетокот на средна школа. Многу рано почнав да се интересирам за различните аспекти на човековите права така да бргу се освестив дека не сум хетеросексуална.

На помладите генерации ни е многу полесно. На Парадите повеќе не се фрлаат Молотови коктели туку цвеќиња. Затоа многу бргу го прифатив тој дел од себе за кој сметам дека говори многу малку за мене како личност – вели Марта.

Во својата средина таа поминала без тешки лузни: нејзината мајка и тетка и се голема поддршка но последниот разговор со баба и помина со полно тешки зборови па од неа нема ни трага ни глас последниве две и пол години, откако својот живот го дели со Мима.

 

Референдумот не е крај

Ова мало семејство го сочинуваат и две мачки, сега за сега. Марта и Мима размислуваат и за негово проширување.

-Имаме доста можности, ќе ги разгледаме. Неверојатно ми е тоа што кога ќе кажеш дека си лезбејка и сакаш дете луѓето остануваат во шок. Како да сме неплодни ако живееме со особа од истиот пол, како хомосексуалноста да те лиши од желбата за родителство – вели Мима додавајќи дека е поразен фактот што нокои луѓе во Хрватска се нееднакви во оснос на други.

– Тенденција на сите западни земји е да го озаконат истополовиот брак и посвојувањето на деца од страна на истополови родители. Светли примери се католичките Ирска и Шпанија па верувам дека е само прашање на време за и ние да се избориме за тие права. Овој референдум само малку го забави тој процес – вели Мима на која и е особено драго тоа што граѓаните се освестија дека оваа уставна интервенција не ја дискриминира само ЛГБТ заедницата.

– Загрозено е секое семејство кое не се вклопува во формулата маж + жена = две деца. Загрозени се и самохраните родители, разведените родители, бабите и дедовците кои воспитуваат деца, децата зачнати со вештачко оплодување, неплодните парови, паровите кои не сакаат да имаат деца, паровите кои не сакаат да се венчаат…

– Се створи критична маса на луѓе кои се хетеросексуални но исто така дискриминирани кога во Уставот ќе влезе оваа исклучива дефиниција на бракот – велат Мима и Марта. Неуспехот од референдумот нема да ги обесхрабри. Веќе наредната година планираат да ја озаконат својата заедница, што законот многу скоро ќе им го овозможи.

– Сакаме типична, традиционална забава со колони од автомобили, хрватски знамиња и ливчиња од рози, на улица и без криење. Сакаме да ни пее Северина – се сложуваат. Не се сложуваат само околу терминот на венчавката. Пролет, вели Мима. Лето, вели Марта, после испитните сесии.

– Нема да чекаме лето Марта, тортата се топи на сонце – вели Мима. А нејзиниот збор, се чини дека во ова семејтво, е последен.

 

Извор: Vecernji list

Може да ви се допадне Повеќе од авторот

Остави реплика