Уругвај слави брачна рамноправност

Уругвај беше првата држава во Јужна Америка со регистрирани истополови партнерства, а сега со освоени 71 гласови ‘за’, од вкупно 91 членови на државното Собрание, истополовите бракови се скоро легални.

Законот е веќе усвоен од страна на Сенатот. Претседателот Хозе Муика беше еден од поддржувачите на законот и се очекува да го потпише во рок од две недели, известува BBC. Тоа значи дека првиот геј пар ќе може да стапи во брак 90 дена покасно, поточно во средината на Јули.

Пополнувајќи ги седиштата во Сенатот, поддржувачите на законот славеа после објавувањето на резултатите, известува Аssociated Press. “Живееме историски момент”, изјави Федерико Грана, лидерот на BlackSheepCollective, група која работи за геј права која ја изготви нацрт верзијата на законот.

Надвор од Конгресот парови се држеа за раце, се бакнуваа и скокаа од радост кога ги објавија резултатите, пренесува AssociatedPress. “Ги имам истите права и обврски како и сите други. Плаќам данок и си ги исполнувам обврските, зошто да бидам дискриминиран?”, објави Роберто Акоста, 62 годишен геј маж во пензија.

Во 2010 години Аргентина стана прва држава во Јужна Америка која ја прифати брачната еднаквост. Подолу можете да ги погледнете фотографиите од прославата на улиците на Монтевидео.

Извор: ADVOCATE