Регионален лезбејски форум „Сестри аутсајдерки“

Регионалниот лезбејски форум овозможува платформа за поврзување на искуствата и практиките од регионот кои повикувајќи се на минатото и во согласност со моменталниот општествен и политички контекст ќе придонесат кон градење на заеднички вредности за делување како и кон градење на стратеги и планови на делување на национално, но и на регионално ниво (Македонија, Србија, Косово, Босна и Херцеговина, Хрватска, Словенија). Форумот ќе се реализира во текот на 4 дена и ќе се заснова на три столбови кои се испреплетени низ агендата: 

а) контекстуализација која вклучува три панели, почнувајќи од историските разлики и линиите на континуитет во лезбејскиот активизам во регионот, преку културниот активизам и уметноста како платформа за лезбејски политики на отпор и критика до последниот панел кој е насочен кон градењето на алијанси помеѓу лезбејските движења, критиката на национализмот и класната борба;

б) работиме заедно да поставиме заеднички вредности на делување како основ на Лезбејскиот манифест, а земајќи ги предвид споделените контексти, идеи и визии; и

в) безбедно место за работилници и споделување на искуства кои ќе ги отворат прашањата на каминг аут и лезбејските врски и прашањето за насилството врз жените. 

Форумот исто така ќе направи простор за лезбејската култура и уметност преку вклучување на видео предавањето Тешки слики – Предлози за работа со визуелна меморија преку настраност, промоција на збирката Пристоен живот која содржи 23 лезбејски раскази и проекција на филмот Односи: 25 години од лезбејската група Шкуц-ЕлЕл. 

Во соработка со други женски и феминистички организации, Форумот исто така вклучува и женски марш против сексуалното насилство врз жените Ја имаме моќта, ја враќаме ноќта! на што ќе претходи работилница за подготвување на слогани и транспаренти за Маршот. Форумот исто така вклучува и поетски читања и забава. 

Регионалниот лезбејски форум го организираат „ЛезФем“ – Хелсиншки комитет за човекови права“, „Тиииит! Инк.“, Бори се женски“ и Коалицијата „Сексуални и здравствени права на маргинализираните заедници“.

На Форумот ќе настапат учеснички од целиот регион. 

Во прилог, програмата на регионалниот лезбејски форум:

https://www.facebook.com/events/516884965147625/