Овогодинешната Поворка на гордоста во Ерусалим (Израел), за голема жал, помина лошо, откако претходно осомничениот Јишаи Шлисел изврши напад врз неколкумина присутни на Поворката, вооружен со нож.
Од полицијата беше истакната информацијата дека Шлисел бил ослободен од затвор само пред три недели, а отслужувал казна за истото дело кога во 2005 година, повторно, за време на Поворката на гордоста прободел неколку луѓе.
При нападот во четвртокот (30. 07. 15), 6 луѓе биле ранети, а двајца од нив посериозно, приближно на 20-годишна возраст, известуваат од израелската брза помош.
Поворката на гордоста била планирана со големо полициско обезбедување, но со мирно и забавувачко присуство на присутните кои го истакнале и знамето со боите на виножитото, но и она на државата Израел.
Еден од акредитираните фотографи, кој бил присутен на Поворката, успеал да го посведочи нападот низ својо фокус, при што се гледа јасното упаѓање на Шлисел кој од својот капут, во еден момент, вади нож и почнува да ги напаѓа луѓето во пределот на грбот. Полицијата брзо реагирала и успеала да го уапси.
Во тој момент се создала голема паника во редовите на присутните на Поворката, а оние неколкумина кои биле нападнати, се наоѓале се’ уште помеѓу другите присутни, со многу крв на своите тела.
Иако нападот предизвика голем шок, истиот не беше без преседан: повторно, Шлисел бил казнет за слично кривично дело пред една декада.
Вчера, во четвртокот, израелските медиуми известија дека Шлисел се криел во некој од супермаркетите кои се наоѓале на рутата на Поворката, пред нападот, и кога толпата се приближила, брзо излегол од таму и нападнал дел од присутните.
Поворката на гордоста сепак продолжила и завршила откако ранетите биле медицински згрижени, но во многу полоша атмосфера од претходно. Медиумите известија дека стотици граѓани на Ерусалим кои не присуствувале на Поворката пред нападот, потоа се приклучиле во знак на поддршка и солидарност.
„Не мислам дека хомофобијата има некакви корени во градов, но токму тоа е и поентата на Поворката“ изјави Бени Зупник, 21 година, брзо по нападот. „Ние се обидуваме да го промени сето тоа. И се надеваме дека ќе успееме во тоа. Потребен е само еден човек за да се случи ваков настан. И се надеваме дека таквите како него се малцинство.“
Осуда на нападот дојде и од главните ултра-ортодоксни партии во Израел, како и од страна на премиеро Натанјаху, министерот за одбрана Јалон и други значајни политички фигури во Израел.
Претседателот Ривлин го нарече нападот – страшно дело од омраза.
„Луѓе кои ја славеа својата слобода и го изразуваа својот идентитет беа прободени. Не смееме да бидеме заблудени; отсуството на толеранција ќе не’ однесе во пропаст. Не смееме да дозволиме вакви дела да се случуваат, и мора да ги осудиме тие што го направиле тоа“ изјави Ривлин.
Поворката на гордоста во Ерусалим е многу помала од она што се случува во главниот град на Израел, Тел Авив, каде што ова година присуствуваа околу 100 000 луѓе, но со посочување на секуларноста на градот. Дотолку што Тел Авив стана еден од нај „геј-френдли“ градовите во светот, а тоа придонесе и кон туристичкиот развој на градот. Иако, од друга страна, оние што присуствуваат на Поворката на гордоста во Ерусалим, имајќи ја предвид доминантната религиозна позадина на градот (каде што живеат и муслимани, христијани и јудаисти) се во многу помал број.
Потсетуваме дек хомосексуалците отворено отслужуваат воен рок во Израел, како и нивна изјаснетост по однос на сексуалната ориентација не ги спречува да бидат народни претставници и застапени се во парлементот.
Израелскиот Канал 2, од друга страна и на линија на лошата медиумска позиционираност, му отстапи простор на осомничениот Шлисел и емитуваше интервју со него за една ултра-ортодоксна еврејска организација каде што зборуваше против Поворката на гордоста која треба да се случи во Ерусалим. Всушност, неговите тези од таму беа посочување за она што се случи вчера.
„Борбата не е готова и нечистите сакаат да го загадат Ерусалим“ – изјави Шлисел во тоа интервју.
Во продолжение следуваат фотографии од нападот.
[ПРЕДУПРЕДУВАЊЕ: ВОЗНЕМИРУВАЧКА СОДРЖИНА]
Извор: news.yahoo.com
