Ѕвездата од “Tut“ серијата во акција против gay bullying-от

Во интервју, минатата недела, ѕвездата од серијата “Tut“ Avan Jogia зборуваше за хуманитарната организација која неодамна ја основал со цел да се подигне свеста околу вознемирувањето заради нечија различна сексуална ориетанија и родов идентитет – Straight But Not Narrow – чиј фокус е поместен на децата во училиштата кои претрпуваат различни типови на вознемирување заради нивна претпоставена сексуалност.

За време на интервјуто, Jogia дискутира околу опасноста од апатија кон опресирачкото однесување: 

„Ако имате геј другар кој бил вознемируван заради тие причини, а не зборувате ништо за тоа, вашата тишина е толку гласна колку што е и нивното насилство, ако може така да се каже. Тоа, во основа ќе биде едукација за луѓето кои треба да се исправат и проговорат, затоа што најлошата болест со која живееме во овој свет е апатијата.“

Jogia и порано спомна за својата организација, во интервју за  Out магазинот:   

„Воочив дека има пропуст. Никој не покажуваше кон стрејт младите и кон нивната одговорност во сето тоа. Кога гледате дека некој силеџија се однесува насилно кон друго дете, и стоите молчешкум настрана, тоа е исто толку гласно или дури и погласно од актуелната опресија.“ 

Последниот проект на кој е ангажиран младиот актер се мини-сериите “Tut“, и Jogia таму се појавува како славен фараон. Но вистински возбудливиот ангажман следи допрва, кога Jogia ќе се појави во улога на љубовник на James Franco во филмот I Am Michael. Како фин знак за добрата игра на овие два актери е што при снимањето на една сцена Franco успеал да заспие во рацете на младиот актер со канадско потекло Jogia. Во врска со настанот, тој вели низ смеење – Или знам добро да галам или тој бил преморен.

Извор: www.out.com