Греми награди 2014: Меклмор и Рајан Луис, со песната „Иста љубов“ (“Same love”), одбележаа голем момент за истополовите бракови

2014 ќе биде запаметена по тоа што Греми наградите станаа геј. Донекаде.

Меклмор и Рајан Луис, чија популарност делумно се должи на нивната химна за Законот за брачна еднаквост, наречена „Иста љубов“, ја изведоа песната на начин кој нема преседан. Додека настапуваа, 33 парови – некои геј, некои стрејт – разменија брачни завети. Во оваа трогателна сцена се вклучи и Мадона, која јавно ги поддржа правата на ЛГБТ многу време пред тоа да стане норма.

Слично на тоа, Сара Барелис ја изведе песната „Храбра“ (“Brave”), со која ги охрабрува геј луѓето да излезат од плакарот – во придружба на Керол Кинг, која е пример за мајка, и која пееше за поддршка.

Во друг дел од настанот, младата кантри ѕвезда Хантер Хејс испеа исклучително искрена песна против малтретирање (bullying), чии стихови одговараат на кампањата на Ден Севиџ, наречена „Ќе биде подобро“ (“It gets better”).

До тука, добро.

Од друга страна, „Иста љубов“ не ја доби наградата „Песна на годината“, а авторите Меклмор и Рајан Луис исто така не успеаја да ја добијат наградата „Албум на годината“ за дискот кој ја содржи песната (наречен “The Heist”).

Извор: http://www.nydailynews.com/entertainment/music-arts/grammys-mark-moment-same-sex-marriage-voters-fumbled-chance-bigger-statement-article-1.1593020