Третманот врз истoполовите врски – одраз на владините политики

Камала Катерина Ѓорѓиевска и нејзината партнерка Катарина Чук се во врска 10 години и речиси од почетокот живеат заедно во Љубљана.

Двете се успешни жени, и прифатени од средината каде што живеат и работат, иако на почетокот тие не зборувале јавно за нивната љубов.

Иако двете немале проблеми во нивните семејства Камала дури сега, после 10 години се охрабрила на својот татко официјално да му соопшти дека е лезбејка. За разлика од неа, Катарина на својата мајка и соопштила уште веднаш.

Нивната врска не може да прерасне во брак иако и двете би сакале да ја официјализираат врската. Проблемот дошол од Македонија. Кога ги поднеле документите за регистрација, Словенија побарала потврда дека матичната земја нa Камала нема ништо против тоа таа да се омажи за жена. Одговорот бил „се разбира дека имаме против“.

И двете велат дека многу значи поддршката од општеството и средината, што многу помогнало тие да останат заедно цела деценија. Камала како Македонка вели дека не знае како би било кога би живееле во Скопје, дали ќе бидат осудени од средината, но за неа не е проблем отворено да зборува за својата сексуална ориентација.

Додека во Македoнија се почесто е насилството и осудата од семејствата и средината, ова е една од ретките успешни приказни на две млади жени кои се реализирале заедно.

Што се случува во Македонија, во семејствата на лицата со поинаква сексуална ориентација гледајте во емисијата Процес.

Извор: novatv.mk