Самрак во хрватското Собрание: ЛГБТ порталите имаат порнографска содржина?

Постои бројна десничарска групација во Хрватска на која и’ сметаат непрофитните ЛГБТИ и феминистички интернет платформи, и на истата неодамна и‘ се приклучи и пратеничката од партијата Хрватска демократска заедница (HDZ), Ѓурѓица Самрак. Во текот на една од последните расправи во Собранието на Хрватска, Самрак ги нарече „порнографски“ порталите CroL и Muf.

Како реплика на пратеникот Јасен Месиќ, во врска со законските иницијативи и истакнувањето на потребата од финансирање на непрофитните медиуми кои треба да служат на развојот на цивилното општество, пратеничката Самрак изнесе неколку проблематични тези.

„Едноставно, неверојатно е дека повеќе од три и пол милиони куни се доделени на непрофитните медиуми, но интересно е на кои? (обраќајќи му се на Месиќ) Во Вашиот говор кажавте дека е тешко да се доделат тие средства. Гледате дека, всушност, на министерката не и’ било тешко да ги додели тие средства. Она, уредно, им доделила средства на поралите CroL и Muf чии рубрики „Порно“ и „Вивисекција“ добија по 75 000 куни, додека порталот „Читај ме“ кој се занимава со книжевна критика не добил никакви средства“ изјавува Самрак. 

„Оттука, треба практично да се внесат и порно-содржините и треба да се навести дека (би кажала) левичарите треба да пишуваат за нешто и така средствата ќе се добијат уредно“ продолжува Самрак, констатирајќи дека средства не добил ниту порталот „Во духот на Христос“ и дека токму тоа „не е добро“. 

„Културата е она што го прави човекот подобар и го подобрува овој свет. Па, зарем тој CroL и Muf ќе го подобрат светот, а порталот „Читај ме“ нема да го подобри?“ запрашува за крај пратеничката Самрак. 

Како реакција од овие медиуми, беше посочено дека би било добро кога пратеничката пред да клевети поединечни медиуми, барем еднаш да ја провери нивната содржина.

Од CroL порачуваат дека сакаат да веруваат како пратеничката Самрак, без проверка на фактичката ситуација, едноставно „наседнала“ на вообичаените подметнување во врска со овие портали. 

Во спротивно, од именуваните портали, посочуваат како правата на жената и на ЛГБТ луѓето се заштитени со законите на Хрватска, во чие носење учествувача и самата Самрак, а дополнително се заштитени и со меѓународните конвенции. 

Извор: www.crol.hr