Ќе се отвори шелтер центарот, што Беа Артур им го подари на ЛГБТ младите од САД

На почетокот на 2017 година, бездомните ЛГБТ млади во Њу Јорк ќе бидат подобро згрижени, бидејќи главната актерка од “Golden Girls”, Bea Arthur и долгогодишен поддржувач на ЛГБТ заедницата им подари 18-креветен шелтер центар кој ќе биде воден од страна на организацијата Ali Forney Center, кој ќе се отвори во East Village. 

Според информации на DNAInfo, резиденцијата The Bea Arthur треба да биде завршена и подготвена во месец февруари, 2017 година, а со работа треба да почне веднаш штом заврши уредувањето на просторот. Проектот е именуван според името на глумицата и геј иконата, која почина во 2009 година.   

Arthur, која долго беше пријателка на Ali Forney Center, имаше оделено $300,000 за потребите на центарот и тоа стоеше во нејзиниот тестамент. Порано пак, во 2005 година, таа настапи со перформанс со цел – собирањето на бенефитот од настапот да биде насочен за потребите на борбата на овој сервис за млади ЛГБТ луѓе. 

„Јас сум многу вклучена во добротворни аквиности, од кои понатаму ќе имаат некаква корист младите. Овие деца од Ali Forney Center, буквално се оставени од своите родители бидејќи се лезбејки, геј или транс и ова организација навистина спасува жживоти“ – изјави Arthur во една прилика. 

Градењето на резиденцијата се одвива на 222 East 13th Street, односно на веќе постоечкиот објект се вршат корекции и реновирање кое започнало од 2015 година. Откако ќе заврши реновирањето и ќе се почне со работа, и тоа ќе подразбира дека за секого ќе има обезбедено кревет, консултирање и водење на случаите на ЛГБТ младите кои биле исфрлени од дома. 

Ali Forney Center е најголемата национална организација, посветена на бездомните ЛГБТ луѓе, и нивната работа е посветена на понудување на безбедност, достоинствен и поттикнувачки третман на ЛГБТ луѓето кои се под ризик, на начин на кој што се исполнети нивните потреби од домување и поддршка.

Извор: www.edgemedianetwork.com