Неодамна на насловната страна на National Geographic беше поставена фотографија од трансродово лице, а реакциите во врска со оваа одлука на National Geographic за специјалното издание за род и таа фотографија биле многу различни – реагираат од нивниот тим. Од коментари на социјалните мрежи до закани дека нивните читатели ќе ја откажат својата претплата.
Овие коментари се само дел од длабоката дискусија која се одвива веќе подолго време, а е поврзана со родот. На пример јануарското издание беше поврзано со млади луѓе и како родот има улога во нивниот живот, низ повеќе места во светот. За секоја од нивните приказни, кои потоа беа прилагодени и во видео материјали, патувале во 8 различни држави и направиле портрети од околу 80 луѓе на возраст од 9 години, и тие зборувле со нас со храбар и чесен тон за тоа како родот влијаел во нивниот живот.
Едно од тие деца беше Авери. Таа живее како отворено трансродово девојче и тоа од 5 годишна возраст, и таа добро ја разбира дискусијата околу родот. Значи, денес не зборуваме повеќе за родовите улоги на мажите и жените, туку зборуваме за унапредување на нашето разбирање на сите луѓе кои зафаќаат различни позиции од родовиот спектар.
Портретите на сите деца се убави. Но посветивме посебно внимание на портретот на Авери затоа што рефлектира извесна сила и гордост – велат од тимот. Тие помислиле дека барем на прв поглед, таму е сумиран концептот на „родова револуција“.
Како и Авери, сите ние носиме етикети, префрлени од другите. И таквите меѓу нив, какви што се комплиментите – смешен, паметен, фин се носат со гордост. Но тешките етикети остануваат како тешки животни товари, оптужувања кои мораш очајно да ги отфрлаш како невистини.
Всушност најпродирачката етикета од сите тие што може да извршат силно влијание е концентрирана во фразата „Таа е девојче“ или „Тој е момче“. И покрај тоа што Сигмун Фројд за тоа го користеше терминот „анатомија“ во својот најпознат аксиом, тој мислеше и со тоа ја опфаќа целата родова судбина.
Во една од приказните на тоа издание, Робинт Марац Хеинг пишува дека е опкружен со унапредени впечатоци околу тоа што значи да се биде жена или да се биде маж и значењето на трансродовоста, цисродовоста, родовото некомформирање, родовиот квир, и а-родовост или во врска со било кои од 50 термини кои Фејсбук ги нуди на корисниците на оваа мрежа. Во исто време, научниците откриваат нови комплекси во разбирањето на полот во биолошка смисла. Дури и многумина од нас во средно училиште, на часовите по биологија научиле дека половите хромозоми го одредуваат полот на бебето, односно дека XX значи девојче, а XY значи момче, и покрај тоа што во некои околности XX и XY не можат да ја поддржат целата приказна за полот.
Во друга приказна пак, во потрага по идните соочувања со перспективите околу родот, исто така побаравме мислење од децата кои беа опфатени со овој проект. И парчето со Авери, во многу случаи претставува пример и референтен случај за многу други деца од Америка до Среден Исток, од Африка до Кина. Овие мали, но умни набљудувачи храбро го рефлектираат нашиот свет во кој живееме.
На пример, Насрин Шеик живее со своите родители во гето во Мумбаи. Таа би сакала да стане доктор, но исто така верува дека да се биде жена исто така значи дека треба да се „чува својот грб“, а ако се биде момче продолжува Несрин, „би ги имала шансите да заработувам многу подобро, а исто така да носам и добра облека“.
Од National Geographic изразуваат надеж дека токму овие приказни околу родот ќе придонесат за подобра размена на мислењата и искуствата околу тоа – до каде стигнавме на оваа тема, и уште колку ни остана за разбирање и чувствување.
Извор: www.nationalgeographic.com
