ЛГБТ активизам и во Битола

Активисти од „ЛГБТ Јунајтед” и Коалицијата „Сексуални и здравствени права на маргинализирани заедници” спроведуваа јавни активности во Битола, во рамките на проектот „Граѓанска иницијатива за ЛГБТ права”. Активистите за човекови права лепеа постери со промотивна содржина за човековите права на ЛГБТ лицата, и прошетаа низ „Широк Сокак” со знаме во боите на виножитото.

 „ Во Скопје не можам да кажам дека постои силно артикулирано движење, но сепак постои еден минимум активизам и резултатите на долг рок веројано се повидливи во Скопје отколку во другите градови” вели Ирена Цветковик од Коалицијата Сексуални и здравствени права на маргинализираните заедници.

Но, во Битола активистите биле прво нападнати од четири лица, а подоцна им се придружиле уште тројца насилници. Постерите во кои се промовира еднаквост, недискриминација и ненасилство, биле насилно одземени. Тројца активисти биле омаловажувани, плукани, туркани, удирани со шлаканици по лице и со постерите по глава, велат од коалицијата.

„ Коалицијата води еден проект тука во Битола, формиравме едно активистичко јадро од лица од заедницата ЛГБТ во Битола. Имавме верувам за прв пат во Битола една јавна акција во која што во најголем дел учествуваа ЛГБТ лица, не исклучиво, но во најголем дел. Тие луѓе беа нападнати од деветмина непознати сторители. Заради тоа што акцијата траеше околу еден час, најверојано во тој час тие веќе дознале дека некои непожелни лица во Битола лепат постери во кои што се зборува за правата на ЛГБТ лицата, во кои се осудува хомофобијата, се осудува хомофобичниот говор на омраза и дискриминација на овие лица” вели Цветковик.

Велат дека насилството врз ЛГБТ активистите е пријавено во полициска станица во Битола. Кај портпаролот на полицијата таков настан не бил пријавен.

Видео

Преземено од Тера Телевизија