„Куќна слава“ денес во центарот на Скопје

Денеска, во центарот на Скопје, со почеток во 15 часот, ќе се одржи јавен перформанс наречен Куќна слава. Перформансот претставува завршна акција произлезена од семинарот „КОНТРА-ЈАВНОСТ – квир активизмот, национализмот и јавниот простор“ кој се одржа во септември 2012 во Скопје и беше организиран од страна на Коалицијата „Сексуални и здравствени права на маргинализираните заедници“ во соработка со Квир Загреб (Загреб) и Центарот за квир студии (Белград). 

Фокусот на квир проблематиката на овој семинар произведе настан на кој ќе се разговара за чувствителни, провокативни, контраверзни или барем поинакви теми. Перформансот го презема и извртува концептот на куќна слава или неделен ручек кој е длабоко втемелен во праксата на семејството како социјална институција без разлика дали се работи за оние од традиционален или од “современ“ тип.

Ве каниме да го проследите видео-стримингот од реализацијата на перформансот, кој ќе започне во 15:00, а ќе трае до 21:00 часот. Видео стримингот е овозможен од Радио МОФ: http://www.radiomof.mk/performans-kukna-slava/

 Во улога на соговорници во рамките на перформасот ќе учествуваат Христина Иванова, Велимир Жерновски, Билјана Тануровска, Ирена Цветковиќ, Катерина Колозова, Марија Савовска, Миша Поповиќ, Љупа, Зоки Бејбе, Артан Садику, Славчо Димитров и Жарко Трајаноски.