Канадскиот премиер ќе биде првиот светски лидер кој директно ќе заземе учество на Поворката на гордоста

Докажаниот феминист и заговорник за човековите права на ЛГБТ луѓето, канадскиот премиер Џастин Трудо, сега ќе биде и првиот премиер на една земја која ќе учествува на овогодинешната Поворка на гордоста во Торонто. Организаторите велат дека тоа е можеби прв пат како актуелен политички функционер да учествува на ваква манифестација.   

Трудо, со години наназад, учествува на Поворките во Торонто и Ванкувер, но никогаш до сега како лидер на канадската Влада. И самиот го пушти твитот, со кој покажа дека е радосен за овој настан, односно што повторно ќе учествува, но сега „како премиер“.

Извршниот директор на Торонто Прајд, Mathieu Chantelois, воопшто не се воздржа од споделувањето на неговата восхит за учеството на Трудо на Поворката на гордоста. 

„Тоа е голема вест за Канада, но и за целиот свет. Не само затоа што, веројатно, е најсекси политичарот на целиот свет, туку затоа што е и првиот канадски лидер кој ќе учествува на Поворката на гордоста. Тоа е фин начин на создавање историја.“

Chantelois вели дека неодамна разговарал со Трудо, во неговиот град Отава, а премиерот бил многу „изненаден и возбуден“, откако разговарале за овој настан и неговото учество, бидејќи како прв светски премиер, најверојатно, директно ќе се обрати на Поворката на гордоста во Торонто, ова година – како што известуваат од  Pink News.

При тој разговор, била изразена и благодарноста за јасното разбирање и посветеност на проблемите со кои се соочува ЛГБТ заедницата во Канада, па и во целиот свет.

„Озбилно разговараше за правата на транс луѓето, еднаквоста, имиграцијата, проблемите на геј мажите кои сакаат да донираат крв, и тој за сите теми цени дека се многу битни“ – вели Chantelois.

Трудо, уште од почетокот на преземањето на неговата премиерска функција, се покажа како вистински поддржувач на еднаквото уживање на правата и слободите на сите луѓе, без оглед на нивните карактеристики. Во ноември, минатата година, неговата Влада вети дека ќе прифати значаен број на бегалци со хомосексуална ориентација. Покрај тоа што е докажан геј поддржувач, канадскиот премиер јасно покажа и колку му значи родовата рамноправност, по повод претставување на неговиот кабинет, каде што жените се застапени со 50%. 

Извор: lgbt.ba