Симпсонови им помагаат на геј луѓето да се аутираат?!?!

Германскиот академик Ервин Ин хет Паноас направи интересна студија со која заклучува дека цртаната серија Симпсонови им помогнала на геј луѓето да се аутираат!

Студијата покажа дека популарноста на ликовите како што е Хомер Симпсон, а и начинот на кој во целина серијата се бави со геј луѓето во ударен термин е скоро пионерска во позитивното прикажување на геј луѓето.

Книжарот од Колн го помина своето истражување низ неколку години и анализираше преку 500 сцени од серијата за која вика дека помага во намалување на хомофобијата во општеството, а резултатите ги има објавено во книгата “Во позадината на Геј Вицовите – Хомосексуалноста во ‘Симпсонови’”. Тој заклучил дека Симпсонови “ги третираат геј ликовите најнирмално во медиумската средина која многу често може да има прилично негативно гледиште.” 

Понатаму авторот тврди како Хомер е многу покомплексен лик од тоа што го оддава на прв впечаток затоа што во дури 50 наврати има бакнато мажи но и покрај тоа е во среќен брак со својата сопруга. “Понекогаш е геј, понекогаш е стрејт, а понегогаш е хомофоб”, истакнува Паноас.

Една од најдолговечните американски серии која ја направи Мет Грунинг, во повеќе наврати има обработувано ЛГБТ тематики, а воедно е и прва серија која има проговорено за истополови бракови и брачна еднаквост. Освен Хомер, книгата се осврна и на неговата ќерка Лиза која во една епизода е прикажана како лезбејка, како и на Хомеровиот шеф Бурнс и неговиот прилично чуден однос со асистентот Смитерсом.

Тој тврди дека нивниот однос е “комплексен, исполнет со страв но и со моменти на нежност.” Споменатите геј ликови се само мал дел од вкупно 70 кои се имаат појавено во текот на серијата, а автор на истражувањето потврди повеќе пати дека се работи за серија која во најмала рака е “пионерски борец за ЛГБТ права”.

Извор: Queer.hr