Принцот Хари спасил геј војник од хомофобичен напад во 2008

Принцот Хари е наречен херој од страна на поранешен член на неговата чета, кој вели дека принцот го спасил од хомофобичен напад во 2008.

Во неговата нова книга „Аут во војската“, од која е објавен извадок во весникот Daily Mail, војникот Џејмс Вортон се сеќава на денот кога му кажал на принцот за тоа како шест војници му се заканувале дека ќе го тепаат поради неговата сексуалност.

„Во ред, ќе го средам ова еднаш и засекогаш“, принцот му рекол на Вортон пред да излезе од тенкот и да се соочи со војниците. Спорд Вортон, принцот се вратил 10 минути подоцна и му кажал дека проблемот е решен и дека им наредил на војниците да отстапат од намерите.

Вортон, кој излегол од војската годинава, изјавил за Daily Mail, „Секогаш ќе му бидам благодарен на Хари и никогаш нема да го заборавам тоа што се случи. Се’ додека тој не се соочи со нив и го реши проблемот, бев сигурен дека ќе изедам ќотек.“

Поранешниот војник не е единствениот кој ги поздравува делата на принцот Хари. Секретарот за одбрана во сенка, Џим Марфи, ги поздравил вложените напори на принцот во насока на одбрана на неговите трупи, изјавувајќи за весникот, „Целата држава му аплаудира на принцот Хари. Нашите сили треба да бидат отсликување на модерната Британија за чија одбрана се борат.“

Принцот Хари е познат по тоа што има добар однос со геј заедницата, и во минатото бил забележан како се забавува во геј барови со своите пријатели. Во својата книга, Вортон тврди дека тој и принцот разговарале за популарноста на Хари и неговиот брат Вилијам во геј заедницата – при што Вортон се обидел да го отфрли фактот, но Хари го убедил дека тоа навистина е така.

Оригиналната вест прочитајте ја тука.