По Брус Спрингстин, и Брајан Адамс во борбата против нееднаквиот третман на ЛГБТИ луѓето

По реакцијата на Брус Спрингстин, и Брајан Адамс се приклучи кон ставот ПРОТИВ новите анти-геј законски решенија во Мисисипи, при што по овој повод Адамс го откажа својот настап на 14 април. 

Рокерот Адамс го искористи присуството на социјалните мрежи, да го објави својот став, па на својот Фејсбук профил извести дека: го откажува настапот во “Mississippi Coast Coliseum во Biloxi“, заради „религиозната слобода“ на државата, со која се предвидуваат дискриминаторски практики против ЛГБТИ луѓето.  

„Користејќи го својот глас, застанувам во солидарност со сите мои ЛГБТ пријатели, со цел да укажеме на ова екстремно дискриминатроска легислатива“ изјави Адамс. „Се надевам дека Мисисипи ќе се поправи, па тогаш ќе можам да се вратам и да настапам за сите мои фанови“. 

Минатата недела и Брус Спрингстин го откажа својот концерт во Северна Каролина, кој требаше да се одржи на 10 април во “Greensboro Coliseum“, и тоа заради државниот закон со кој се принудуваат трансродовите луѓе да користат јавни тоалети кои не кореспондираат со нивниот родов идентитет.

„Некои работи се поважни од рок шоу, и ова борба против предрасудите и нетрпеливост – кои се случуваат додека го изјавувам ова – е една од тие работи“ изјави Спрингстин.

И други славни личности како Робин Робертс и Џоел МекХејл го кренаа својот глас, со цел да ги осудат овие штетни законодавни политики на некои американски држави, со кои се уназадуваат општествените позиции на ЛГБТИ луѓето во Америка. 

Извор: www.huffingtonpost.com