Победа за родовата еднаквост во книгите за деца

Победата за родова еднаквост, уште еднаш е усвоена, овој пат, од страна на осум годишно девојче. Откако била организирана петиција за тоа, една голема издавачка куќа прифатила да престане да ги означува книгите за малите деца како „книги за девојчиња“ и „книги за момчиња“. 

Елси, која сака да биде палеонтолог кога ќе порасне, не го прифатила фактот што една возбудлива книга за пиратите означена како книга за момчиња во каталогот со кој се промовирал саемот на книга во нејзиното училиште. Откако била посоветувана од нејзината мајка Леоне да „престане да се жали, и да направи нешто околу тоа“, Елси ја покренала петицијата која ја потпишале 80 нејзини другари и другарки, во училиштето, а потоа истата била проследена до издавачката куќа. 

Благодарејќи на тоа, издавачката куќа ја тргнала ознаката „за девојчиња“ и „за момчиња“ од книгите кои биле дел од онлајн понудата и дала ветување дека веќе нема да објавува книги наменети за посебен род. 

„На девојчињара можеби не им се допаѓаат нешта кои се означени за нив, можеби повеќе би сакале книги со чудовишта кои се наменети за момчињата. Книгите би требало да бидат за сите, затоа што сите ние сакаме различни нешта. Ако и‘ кажете на некое девојче дека не може да има книга која и‘ се допаѓа, кога ќе порасне, може да се чувствува осамено, затоа што ќе мисли дека сите други девојчиња сакаат слатки, розеви и работи за принцези, а само таа не ги сака истите работи“ вели Елси. 

Мајката на Елси, Леоне, во врска со тоа изјавува дека е исклучително горда на својата ќерка, и задоволна е од тоа што успеала да научи дека „ако проговориш за нештата кои не ти се допаѓаат, истите може да се променат“. 

Џес Деј, од компанијата Let Toys be Toys, организирана од родителите на кои им сметало играчките да бидат делени по родова линија, ја контактирала издавачката куќа со цел да ја извести за постоечката петиција. „Едноставно, не е во ред да им се говори на децата дека девојчињата и момчињата мора да сакаат различни нешта“ вели Деј.  

Во изјавата, издавачката куќа наведува дека ќе ја преуреди својата веб страна, и веќе нема да објавува со посебни ознаки за двата рода. „Го цениме тоа што секое дете е различно и има право да избере книга која ќе биде допадлива“ – стои во изјавата. 

Извор: www.libela.org