Клубот Бергхајн е место на „висока култура“

Техно музиката полека го добива истиот културен статус како оној на класичната музика, и тоа беше имплицитно потврдено од судскиот случај што го доби германскиот, надалеку познат клуб Berghain во врска со плаќањето данок. 

Како што беше посочено од страна на германскиот Der Spiegel, легендарниот клуб бил под закана од плаќање на повисок данок заради својата дејност како „забава“, наместо  „висока култура“. Во Германија, локалите кои се вбројуваат во оние кои нудат забава за гостите плаќаат повисок данок од оние кои нудат друг тип на програма како на пример класичните концерти, кои се оданочени за 7% помалку. 

Според Electronic Beats, од институциите кои го регулираат плаќањето на данок во Германија, било посочено дека Бергхајн е локал од областа на забавата, заради неговите извесни услуги и конзумација на дрога и алкохол. Од Министерството за финансии истакнале дека клубот не може да биде споредуван со други локали кои нудат културна програма, бидејќи на пример немал ниту сцена за таков тип на изведби, ниту пак имал настани кои завршуваат со аплауз. (Од Dazzed Digital додаваат – но сетот на Steffi, во понеделник наутро беше настан кој може да се проследи со громогласен аплауз) 

Но судот во Cottbus одлучи дека ноќите во Бергхајн се простор на културни настани, и како такви ќе бидат оданочувани.

И тоа ова вест следуваше по онаа за затворањето на клубот Fabric, една од најважните клупски институции во Велика Британија. Исто така, интересен е податокот дека додека британската влада упорно ги затвора своите културни места, под превезот на намалување на штетата од користењето на дроги, Германија и понатаму интелигентно ја оддржува својата ноќна економија. 

Извор: www.dazeddigital.com