Одбележување на Ѕtonewall побуната

Ноќта меѓу 27 и 28 Јуни 1969 година во Њу Јорк, во и пред барот Ѕtonewall дојде до насилна побуна на ЛГБТ луѓето (http://www.civilrights.org/archives/2009/06/449-stonewall.html), која резултираше со протест на илјадници луѓе, против хомофобијата, нееднаквоста и насилството што го трпеа ЛГБТ луѓето и против отсуството на заштита од страна на државата. Од тогаш секоја година ЛГБТ заедниците низ Америка, а подоцна и во поголемиот дел од западната хемисфера го одбележуваат овој ден кога ЛГБТ луѓето застанаа во своја одбрана и побараа еднаквост. Овие протести на кои ЛГБТ луѓето отворено и гордо кажуваат кои се и што се се нарекуваат маршеви на гордоста (pride marches). Денес, после 50 години во Македонија некој не може да поднесе да се случат ниту културни или социјални настани, а не пак марш на гордоста. Но токму побуната од Ѕtonewall не учи на тоа дека видливоста е единствениот пат за да се заштитиме себеси. Затоа драги мои лезбејки, геј мажи, бисексуалци, трансродови, интерсексуалци, поддржувачи и сите вие кои „отстапувате од нормата“, ние не запираме тука! Борбата продолжува и ќе дојдеме до еднаквоста, затоа што сме во право! Нека ни е честит денот на гордоста!

Кочо Андоновски

Програмски Директор

ЛГБТИ Центар за подршка –

Хелсиншки комитет за човекови права на РМ