Рекорден број на ЛГБТ учесници на Олимписките игри во Рио

Додека се во тек Олимписките игри, потсетуваме дека на овогодинешното XXXI издание во Рио де Женеиро, учествуваат 43 јавно познати и декларирани ЛГБТ спортисти и спортистки, што до сега е најголемата бројка во историјата на игрите.

Велика Британија е земја со најголем број геј спортисти/тки, а меѓу нив е и првиот венчан истополов пар, кој исто така учествува на Олимписките игри, Кејт Валш и Хелен Ричардсон-Валш, кои играат хокеј на трева. Меѓу учесниците најмногу се аутирани женски спортистки, и тоа дури 30.

Кејт и Хелен се заедно во спортот речиси 20 години, во врска се 8, а се венчаа пред три години. Во тинејџерските години, кога и се запознале, се присетува Кејт, не биле најдобри другарки, туку нивното зближување се случило токму за време на игрите, кога истите се одржаа во Пекинг.

Таа додава дека никогаш немале проблем за нивната врска: „На почетокот, сигурно имаше луѓе кои се чудеа, бидејќи тоа им изгледаше поинаку“, но кога се венчале, целиот нивен тим славел со нив. 

Кога би постоел ЛГБ тим, тој би броел 61 учесник, од вкупно 207 на Олимписките игри, и тоа овој тим би бил поголем од тимовите на земји како Естонија, Монголија и Порторико, во кои максимално има по 42 учесници – истакнува Outsports.

Во минатото, аутираните спортисти и спортистки беа исклучително успешни по бројот на добиени медали, каков што беше случајот со Олимписките игри во 2012 година, одржани во Лондон, кога дури 40% победниците беа ЛГБТ луѓе. 

Извор: www.crol.hr/