За време на гостувањето во емисијата Novi dan, лидерката на конзервативната граѓанска иницијатива „Во име на семејството“, Жељка Маркиќ, помеѓу останатото, го коментираше и референдумот во Ирска и најави дека очекува повлекување на Законот за животно партнерство.
На коментарот на водителката на емисијата за успешниот просек на животните партнерства (од 80 склучени, само едно од тие партнерства потоа е прекинато) наспроти статистиката за браковите помеѓу еден маж и една жена, Маркиќ реагираше дека тоа е „манипулација со статистика“.
Таа вели: Тоа е манипулација со статистиката. Хомосексуалците изнесуваат само 3% од хрватската популација. Законот за животно партнерство, кој беше наметнат, очекуваме да биде повлечен. Очекуваме дека на парламентарните избори ќе се зборува токму тоа, и ќе биде опфатено во кампањата, и дека законот ќе биде повлечен. Истиот е недемократски и тој послужи да им се прати порака на граѓаните дека нема смисла да се обидуваме, нема смисла да се искажува што се мисли, односно што и да направат граѓаните, дури и да излезат на референдум, власта ќе направи што сака.
Според проценките на Маркиќ, доколку Милановиќ остане премиер на Хрватска, нема да дојде до повлекување на Законот за животно партнерства, затоа што не е сигурна дали ХДЗ е спремна да го повлече законот, иако според неа собранието мора уште еднаш да расправа во врска со тој закон.
На прашањето за тоа какво е нејзиното мислење за успешниот референдум во Ирска, Маркиќ вели дека:
– Добро е што овие прашања се отвораат на референдум. Ирска е прва држава која ги изедначи истополовите бракови со оние помеѓу маж и жена и мислам дека е голема штета што таа е првата држава што го направи тоа. Лошо е што се доведени во прашање некои важни нешта во врска со демократскиот амбиент. Во моментот кога се водеше толку важна дебата, власта распиша референдум, а сите субјекти беа на страна на актуелната владеачка гарнитура, и на страна на истополовите бракови. Така се покажува дека референдумскиот резултат е исход од претходна десетгодишна изложба.
Зборувајќи за ова, Маркиќ истакнува дека се работи за различни контексти, и додава: Во Ирска кампањата се водеше десет години и сите беа на страна на државната иницијатива, а ние како „Во име на семејството“ бевме оние што испровоциравме и врз кои се вршеше притисок.
На овие изјави од страна на Маркиќ реагираа од хрватското здружение на граѓани Zagreb Pride.
Марко Јуричиќ, програмскиот координатор на здружението вели дека новиот предлог на Маркиќ е застрашувачки и потполно против-уставен и недемократски. Тој вели: Zagreb Pride бара во наредниот мандат хрватското собрание, по предлог на Владата, да расправа и одлучува и за признавање на брачната еднаквост, но и да се отвори животното партнерство и за личности од различен пол. Во врска со коментарите на предводничката на „Во име на семејството, Јуричиќ вели: Јасно е дека се работи за програма на нејзината политичка партија, во очи на претстоечките парламентарни избори, која за цел има продолжување на политиката на поделби и дискриминација на хрватските граѓани. Јуричиќ продолжува: Затоа е значајно главната порака на овогодинешната Поворка на гордоста да биде бескомпромисна борба за човекови права, еднаквост и правда наспроти секој вид на фашизам.
Јуричиќ вели дека Законот за животно партнерство не може да се повлече затоа што тоа ќе доведе до правна несигурност.
„Таа оди и зборува против одлуките на Уставниот суд. Секако дека ова барање е застрашувачко, но со обзир кон тоа дека е невозможно, против-уставно и недемократско, конечната цел е поттикнување на хомофобија во општеството“ заклучува Јуратовиќ.
Извор: www.crol.hr
