Албанскиот парламент, неодамна, на 7 мај, ја усвои Резолуцијата за заштита на правата и слободите на ЛГБТ заедницата во Албанија, која беше усвоена со 75 гласа „за“, а само 2 гласа „против“, и 1 „воздржан“ глас. Усвојувањето на ова резолуција претставува огромна победа за ЛГБТ заедницата, откако беше усвоен Закон за заштита од дискриминација на почетокот на 2010 година, со оглед на тоа дека парламентот не ги усвои бројните законски и/или политички иницијативи кои ги поддржуваат човековите права на сите припадници на ЛГБТ заедницата во Албанија. 

Резолуцијата е донесена под подкровителство и поддршка на парламентарниот подкомитет за човекови права, со помош на застапниците Василике Киси, позната активистка за човекови права, како и други парламентарци, како што се Пандели Мајко, Фатмир Џафа и Грамоз Ручи. Резолуцијата ги идентификува постигнувањата со кои Албанија напредуваше последните пет години, како и позитивната улога на граѓанското општество кое ја одигра улогата за кревање на свеста на јавноста, како и улогата на независните институции кои работат во областа на човековите права, особено Омбдусманот.

Препораките од резолуциите, меѓудруго, вклучуваат и:

– Формулирање на национален акционен план за мерки за заштита на човековите права на ЛГБТИ луѓето во Албанија,
– Усвојување на неопходните законски промени, предложени преку националниот акционен план за заштита на правата на ЛГБТИ луѓето, кои се дел од мапите за приоритети на Албанија за отворање на преговори за членство во Европската унија,
– Одобрување на законски препораки до Омбдусманот за амандмани на Законот за работа,
– Охрабрување на Министерството за образование и спорт да одржува тренинзи за индивидуи со цел подобра заштита на правата на ЛГБТИ луѓето,
– Охрабрување на Омбдусанот за мониторинг на остварување на правата и слободите на ЛГБТ луѓето во Албанија и предлагање нови мерки кои го гарантираат нивното почитување,
– Поддршка на организациите од граѓанското општество за нивната улога во подигнувањето на свеста, како и истовремено охрабрување на албанската Влада за соработка со нив, така што ќе биде спречувана дискриминацијата кон ЛГБТИ заедницата.  

Извор: lgbt.ba