Еди Изард: нападите ме подготвија за вклучување во политика

Комичарот и потенцијалниот кандидат за градоначалник на Лондон, Еди Изард прозбори за вознемирувањето и навредите кои му се случиле, заради тоа што е трансвестит, и кои го направиле посилен, односно подготвен за вклучување во политика.

Во интервју за Radio Times, Изард вели дека претрпел физички и вербални напади, и дека тоа го подготвило да се кандидира за градоначалник на Лондон, на изборите во 2020 година. 

,,Ме напаѓале луѓе на улица, и луѓе извикувале бесконечни навреди за мене’’ вели тој. 

,,Доколку сте трансвестит, и доколку сте активен на јавната сцена, потребно е да бидете силен. Јас ќе се обидам да бидам што е можно повеќе позитивен и отворен. И ќе се обидам да зачувам малку приватност за себе. Ќе видиме како тоа ќе помине.’’

Од аспект на неговите републикански ставови, кои може да му донесат гласови во кампањата за избор на градоначалник, Изард вели: ,,Јас не сум за монархија. Наследните привилегии се лудост за мене. Ние би требало да го прошириме изборот надвор од гените, и да избереме челник на државата со мандат од 5 години.’’

Говорејќи за неговата потенцијална кандидатура од страна на Лабуристите за градоначалник на Лондон во 2020 година, тој вели дека имал дамнешна намера да го направи, но одбива да се кандидира во 2016, затоа што – како вели Изард – ,,потрошив многу години за да направам ваква кариера. Ако ја ,,запакувам’’ или ја оставам во хибернација на одредено време, сакам тоа да го направам коректно.’’ 

Претходно Изард изјавувал дека сака да се кандидра и за пратеник: ,,Реков дека можеби ќе се кандидирам за пратеник во британскиот парламент или европски пратеник во даден момент, откако ќе изминат 10 или 15 години одсега, сакам да давам долгорочни изјави. Но потрошив многу време на сегашната кариера и не сакам да ја отфрлам’’. 

Извор: http://www.pinknews.co.uk