Младо трансродово лице – автор на книга за трансродови деца

Низ целото нејзино сеќавање за себеси, Џез тврди дека се чувствувал поразлично. Тринаесет годишната Џез е родена како момче, но секогаш со голема наклонетост кон ,,женските’’ работи како принцези, розевата боја, сирените.

,,Се чувствував како девојче и не бев комотна во своето тело‘‘ вели Џез. Таа се претставува само со нејзиното презиме – Џез – од стравот од закани, и нејзините родители се запознаени со таквиот став, како што се запознаени и со тоа дека Џез не се чувствува како момче.

,,Откако поминавме низ една професионална поддршка, дијагнози, јасно е дека таа е трансродово лице‘‘ вели Џеанет, мајката на Џез. Таа дополнува ,,Тешко е сето тоа да се искаже, не постојат прецизни термини, бидејќи тоа би можело да биде многу тежок живот за нејзе‘‘. Џез вели дека ова ,,патување‘‘ било тешко, но со одредени напори и со идеја да помогне на оние кои и‘ се слични, тинејџерката е коавтор на книга за деца. ,,Филозофијата на оваа книга е да се започне конверзација со сите млади кои се наоѓаат во слични состојби, како и тоа дека трансродовоста не е страшна и толку комплицирана‘‘ вели Џесика Хертхел, другиот автор на ,,Јас сум Џез‘‘.

Опкружена со поддржувачи на ЛГБТ заедницата, тинејџерката настапува со читање на делови од ,,Јас сум Џез‘‘. Додека трансродовите лица во публиката, од повозрасната популација, реагираа со искрени овации и поздрави за мисијата на младата Џез.

,,Ќе се направи голема разлика со ова. Затоа што во моето време, не постоеше ништо од ова.‘‘ вели Рајџе Наринсеин.

,,Џез е инспирација. Таа е пионер во ова. Затоа ќе скрши многу, многу бариери.‘‘ додава Џустин Ејприл.

,,Јас сум Џез‘‘ ќе биде достапна од четврти септември и сите добивки од продажбата на книгата ќе бидат донирани на фондацијата за трансродови деца ,,Виолетово виножито‘‘.

,,Таа е прва со таков настап. Ретко кога, порано, мало дете настапило со ставот – Јас сум трансродово лице и тоа е во ред‘‘ вели Џеанет, мајката на Џез.

Извор: http://www.nbcmiami.com