ЈАВНА ТРИБИНА “ Студентите и академската заедница против дискриминацијата-политики за антидискриминација на УКИМ“

Денеска, со почеток од 12 часот, на правниот факултет ќе се одржи јавна трибина организирана од Коалиција Сексуални и здравствени права на маргинализирани заедници и Младински образовен форум [МОФ].
Темата на јавната трибина е „Студентите и академската заедница против дискриминацијата-политики за антидискриминација на УКИМ“.

На јавната трибина ќе говорат: 

1.Гордана Бужаровска, продекан на Правниот факултет „Јустинијан Први“; 
2. Владимир Трајковиќ, продекан на ФИНКИ; 
3. Претставник на Комисија за заштита од дискриминација; 
4. Жарко Трајановски, Коалиција Сексуални и здравствени права на маргинализирани заедници; 
5. Александра Живковиќ, МОФ.

Модератор на дискусијата ќе биде Петар Димитров, Правен факултет „Јустинијан Први“.

На оваа трибина ќе бидат презентирани резултатите од истражувањето чија цел е да ги испита облиците на дискриминација кои ги искусуваат студентите за време на своите студии, нивната запознаеност со поимот на дискриминација и правните акти кои нудат заштита од дискриминација. Воедно, на оваа трибина ќе биде промовирана публикацијата во која се објавени резултатите добиени од истражувањето, заедно со компаративна анализа на правните акти и странските искуства во превенирање на дискриминацијата во високото образование.

Дел од прашањата кои ќе бидат покренати се: актуелизација на телата кои можат да понудат заштита од дискриминација на студентите, потребата од промовирање на акти со кои би се заштитиле студентите и академскиот кадар од дискриминаторски практики и потребата од активно вклучување на државните институции во промовирање на антидискриминаторски политики во високото образование.

Јавната трибина ќе се оддржи на Правниот факултет „Јустинијан Први“ во Скопје, во салата за одбрана на магистерски и докторски трудови, на првиот кат.

Линк до настанот на Фејсбук: https://www.facebook.com/events/647661438619833/