Група мажи протестираат против истополовиот брак соблечени, со испишани слогани на градите и парадирање низ Франција.

Мажи се соблекуваат до половина, пишуваат слогани на телата, се држат за рака и демонстрираат низ Франција против геј бракот. Понекогаш маскирани, понекогаш не, но речиси секогаш полуголи. Се нарекуваат LesHommen – акциона група која се бори против брачната еднаквост.

Изгледаат како пародија на Femen, феминистичката топлес група протестирачки кои протестираа против случајот за геј правата на рускиот претседател Владимир Путин, на неговата последна посета во Амстердам.

Слоганите на нивните тела, испишани на француски повикуваат ‘Не за геј бракот’, ‘Спасете ги децата’ и ‘Мртва демократија’.

На нивната фејсбук страна декларираат дека на прво место им се жените и децата.

LesHommen го обвинуваат францускиот претседател Франсоа Холанд за напади со гас врз деца. Француската полиција користеше солзавец за да го спречи насилството на протестите против геј бракот и демонстрантите беа обвинети за користење на нивните деца како “жив штит” против надлежните.

Изјавуваат: “Франсоа Холанд мора да престане со молкот. Неговиот презир кон масата што протестира е негирање на демократијата. Нападот со гас врз деца на 24 март е грешка која не смее да се повтори. Не се даваме”.

Имаат протестирано во Тулуз, Ница, Париз, Версај и на други места. И покрај ова француските медиуми сеуште ги сметаат за микро група. 

Француски геј активист смеејќи се, за GSN објави: “За некои луѓе најдобар начин за протест е покажување на нивните тела затоа што не изгледаат многу добро. Само се прават важни, а треба да бидеме подобри од тоа”.

Брачната еднаквост беше одобрена од двата дома на францускиот Парламент и најверојатно е дека набрзо ќе се претвори во закон во текот на летото.

Погледнете ги Les Hommen во акција тука

Извор: http://www.gaystarnews.com/