Независно од тоа дали сте геј, лезбејка или трансродово лице, отвореноста во врска со тој дел од вашиот идентитет е генерално добра за вашата работа, додека криењето на таа идентитетска карактеристика значи ризикување на финансискиот профит. И на тоа укажа новото истражување кое се занимаваше со нивото на толеранција кон ЛГБТ луѓето на работно место во Велика Британија.
Од истражувањето на мрежата OUTstanding, единствено од тој тип, а во кое учествуваа 200 ЛГБТ луѓе од повеќе сектори, се покажа дека и покрај впечатокот за позитивните гледишта околу позитивното прифаќање на различноста, се‘ уште постојат одредени проблеми околу вклучувањето на таквите политики на прифаќање во бизнис работењето – се вели во Guardian, во врска со истражувањето.
Компаниите во кои при вработување и одредувањето на работните позиции се води сметка за различноста, односно различната националност и пол, се покажаа како поуспешни во своето работење за разлика од оние компании кои не се поставени така во однос на различноста, и тоа го покажа истражувањето на McKinseya и Catalysta, кое повторно беше организирано од OUTstanding.
Претворањето е залудно трошење на енергија
85% од учесниците во истражувањето на OUTstanding мислат дека ЛГБТ работниците кои ја сокриваат својата сексуална ориентација залудно ја трошат својата енергија, претворајќи се нешто што не се.
„Во основа, кога говориме за вклученоста (на ЛГБТ луѓето) говориме за продуктивност. Ако ја негувате вклученоста, тоа значи дека овозможувате задржување на талентираните во работната динамика, ја поттикнувате иновативноста и на вработените им овозможувате да го дадат својот максимум на работа“ изјавува Суки Санду, извршниот директор и основачот на OUTstanding.
Клаудија Бринд – Вуди, директорката на IBM, која компанија неодамна беше подредена во најдобрите ЛГБТ работодавци на листата на Stonewall и оценета како една од водечките компании во Обединетото кралство и странство по однос на правата на ЛГБТ луѓето, рече дека отвореноста по прашање на сопствената сексуална ориентација е добра пропозиција за работа.
„Ако оние кои се мнозинство не слушаат тоа што имаат да кажат оние кои се различни, ја добивате она форма на „групно размислување“ со која се губи можноста за иновација и иновативни пристапи, што пак влијае и на тимската работа. Ако препотставувате дека сите ваши клиенти се стрејт, ќе погрешите во 5% од 10% од случаите. Кога со клиентите може да се поврзете на повеќе нивоа, ја подигнувате работната вредност. Откако луѓето еднаш се „аутираат“, се враќа енергијата со тоа што се подобрува и нивното работење“ изјавува Бринд – Вуди.
Вработување – враќање во клозетот
И покрај погоре приложените резултати, од друга страна постои и една друга фактичка ситуација. Така, 41% од ЛГБТ Американците ја прекриваат својата сексуална ориентација на работното место, додека дури 62% се „враќаат во клозетот“ при првото вработување.
Џефри Крог, директор на BNP Paribas цели 10 години сокривал од своите колеги дека е во истополова врска. И верува дека тоа сокривање придонело до тоа да не ги искористи сите свои можности целосно, а тоа се одразило и на неговата продуктивност.
„На сокривањето се троши многу енергија, а значи и дополнително планирање. Подобро таа енергија да ја насочев кон работата заради која и сум овде“ – вели Крог.
Тој во деведесетите се доселил од Данска во Велика Британија и при првото вработување во Лондон еден негов пријател му рекол „тоа што си геј, во најдобар случај, нема да биде проблем, но тоа никогаш нема да му биде од никаква помош“. Понатаму, дознал дека менаџерот на неговиот тим е религиозен и оттука не бил сигурен какви последици би можел да има доколку ја открие својата сексуална ориентација, и така едноставно одлучил сето тоа да го задржи за себе. Неговото „аутирање“ следи дури 10 години подоцна, така што само ден пред неговото венчавање испратил електронска порака до своите шефови.
„Гледајќи наназад, сега знам дека тоа беше погрешна одлука, требаше да го направам тоа многу побрзо“ вели Крог.
Во истражувањето на OUTstanding се истакнува и податокот дека само 24% од анкетираните сметаат дека само средниот менаџмент ги поддржува ЛГБТ колегите.
„Тоа покажува дека фирмите треба да поработат на подобрување на внатрешната комуникација, така што ќе се испраќаат позитивни пораки од целата хиерархија во компаниите. Затоа е битно да се поддржуваат водечките луѓе во компаниите за нивно отворено признавање за различната сексуална ориентација, и тоа понатаму да се користи како пример за другите“ вели Санду.
И крог смета дека промените треба да дојдат од врвот.
„Сметам дека на оние кои седат во управничките канцеларии треба да им се каже – ако сакаме да промениме нешто, треба да почнеме од себе. Некој мора да го повлече првиот потег, инаку ништо нема да направиме“ вели Крог.
Во меѓувреме, за оние кои се‘ уште не се аутирале на своите работни места може да помогне фактот дека 99% од оние 200 опфатени во истражувањето се изјаснуваат околу тоа дека: аутирањето, всушност, било многу помалку трауматично искуство од она што било очекувано.
Извор: www.crol.hr
