Организацијата “Article 19” им се приклучи на остнатите 500 невладини организации кои повикуваат на акција од страна на Советот за човекови права на ООН, против насилството и дискриминацијата по основ на сексуална ориенатција и родов идентитет.
Во 2011 година, Советот за човекови права на ООН ја усвои првата резолуција преку која се изрази сериозна загриженост за насилството и дискриминацијата по основ на сексуалната ориентација и родовиот идентитет. И тоа доведе до обновувачки извештај од страна на високиот комесар за човекови права на ООН. Но допрва, ќе биде подготвена дополнителна резолуција од страна на Советот за човекови права на ООН.
Во заедничката изјава на неколку невладини организации, поднесена од страна на ИЛГА (ILGA-World), организациите посочија на тоа дека насилството и дискриминацијата кон луѓето со различна сексуална ориентација и родов идентитет, како и изразувањето на таквата ориентација и идентитет, интерсекс статусот – претставуваат систематски и глобален проблем.
При последната сесија, Мајна Киај, специјалниот исвестувач на ООН за слободите на мирно собирање и здружување, истакна дека ,,нација која може да замолчи една група, може да ги замолчи сите групи‘‘. Додека маргинализираните групи како што се лезбејките, хомосексуалците, бисексуалците, трансородовите лица и интерсекс лицата (ЛГБТИ) се соочуваат со дискриминација, нивната слобода и права на изразување, здружување и собирање се секогаш први по линиите на нарушување и злоупотреба.
Заедничката изјава ги одразува овие проблеми, посочувајќи на криминализацијата на идентитети и изразувања, неказнивоста на убиства, опструкција и отфрлаље на работата на бранителите на човековите права, одбивање на правата на слободно собирање и здружување, и обидите да се замолчат различните ставови.
Ситуацијата е тешка. И оттука, потребна е систематска реакција на Советот за човекови права на ООН преку резолуција која ќе обезбеди регуларно известување, конструктивен дијалог и која ќе содржи систематско внимание за нарушувањето на човековите права по овие основи.
Во своето обраќање пред Советот за човекови права на ООН, Аргентина, повторно истакна дека одлучноста да се реши насилството и дискриминацијата по основ на сексуална ориентација и родов идентитет треба да се задржи на агендата на Советот. Оваа изјава, исто така, беше поддржана и од Бразил, Чиле, Уругвај, Мексико и Колумбија, демонстрирајќи силно лидерство во регионот по однос на ова прашање.
Пред две години генералниот секретар на ООН Бан Ки-Мун пред Советот изјави: ,,времето е дојдено‘‘ да се реагира на дискриминацијата и насилството кон ЛГБТИ лицата. Во 2014 година, oрганизацијата “Article 19” повторно потсетува дека не постојат причини за понатамошно одлагање.
Извор: http://www.article19.org
