Протестна поворка за нападнатиот Германец во Белград

Учесниците на дводенавната конференција ,,Иднината ни припаѓа нам – правата на ЛГБТ луѓето во процесот на пристапување кон ЕУ‘‘, се мобилизираа во протестна поворка, заради синоќешниот напад на германскиот државјанин кој се случил на Бранкова улица. 

Учесниците ќе се движат од хотелот ,,Метропол‘‘ каде се одржува конференцијата до српскиот парламент. Претставничка на ,,Лабрис‘‘ Јованка Тодоровиќ одржала вонредна конференција за медиумите каде што изјавила дека инцидентот се случил синоќа, помеѓу два и три часот по полноќ, и дека тешко е повреден државјанин на Германија кој бил дојден во Србија, Белград за дводневната конференција – која е одложена за одредено време. 

,,Неговата состојба е критична, и знаеме дека има тешко оштетување на мозокот‘‘ изјави Тодоровиќ, при што додаде дека имала повик од министерот за внатрешни работи, Небојша Стефановиќ околу тоа дека се работи на расветлување на случајот и дека е вклучена и криминалистичката полиција. 

Силни полициски единици го обезбедуваат собирот и тие ќе ги придружуваат протестантите до парламентот и назад. Германскиот амбасадор во Србија, Хајнц Вилхелм исто така беше присутен на протестната поворка, и изјави дека веста за повредата на германски државјанин го вознемирила, како и за тоа дека се‘ уште не е познато што се случило. 

,,Нашите мисли се со жртвата и се надевам дека ќе се опорави, без трајни наштетувања‘‘ вели амбасадорот. 

Министерот за внатрешни работи, Небојша Стефановиќ најстрого го осудува нападот на германскиот државјанин Д. Х. (27). 

,,Во нашата земја, во Белград, се добредојдени сите странци и луѓе со добра волја, позитивна енергија и пари. Нема да дозволиме да се случуваат такви настани, и како што досега ги апсевме таквите сторители на најтешки кривични дела, ќе ги уапсиме и напаѓачите на германскиот државјанин‘‘ изјави министерот.  

,,Дадов наредба за интензивна истрага, така што сторителите ќе бидат брзо изведени пред лицето на правдата. Покрај белградската полиција, вклучени се искусни професионалци во истрагата, од Управата за криминалистичка полиција‘‘ додава министерот.  

Извор: http://www.telegraf.rs