ИЛГА Европа и Меѓународната организација на интерсексуални лица се изјаснија за усвојувањето на историска резолуција за интерсексуалните лица од страна на Парламентарното Собрание на Советот на Европа
ИЛГА Европа и ОИИ Европа го поздравија усвојувањето на резолуцијата „Правото на децата на физички интегритет“ од страна на Парламентарното Собрание на Советот на Европа, со која за првпат се адресираа проблемите во однос на телесниот интегритет на интерсексуалните деца.
Резолуцијата покрива и други проблеми, како осакатување на женски гениталии, обрежување на машки деца од религиозни причини, како и подложувањето или убедувањето на децата да стават пирсови, тетоважи или да имаат пластична операција.
Резолуцијата ги повикува земјите-членки на Советот на Европа да „спроведат понатамошно истражување за проширување на знаењето за специфичната ситуација на интерсексуалните лица, да се осигураат дека ниедно лице не е подложено на непотребен медицински или хируршки третман, кој е од козметичка природа, а не е од витално значење за здравјето во периодот на детството, да го гарантираат телесниот интегритет, самостојноста и себеодредувањето на засегнатите лица, како и да обезбедат соодветно советување и поддршка за семејствата во кои има интерсексуални деца.“
Ова е прва резолуција од ваков вид од која било европска институција. Јазикот употребен во резолуцијата навестува промена од сегашниот медицински домен, кон пристап заснован на човекови права, и се однесува на правото на телесен интегритет, самостојност и себеодредување, истовремено повикувајќи на прекин на козметичкиот медицински и хируршки третман.
ИЛГА Европа и ОИИ Европа ги повикуваат надлежните европски институции да посветат внимание на оваа резолуција и навистина да го спроведат истражувањето потребно за проширување на знаењето за специфичните човекови права и општествената положба на интерсексуалните лица.
ИЛГА Европа и ОИИ Европа исто така и’ се заблагодаруваат на Марлене Рупрехт која беше известувач токму за извештајот кој доведе до оваа резолуција, за тоа што ги зема предвид информациите дадени од нашите две организации и од Genital Autonomy и што решително ги вметна човековите права на интерсексуалните лица на агендата.
Резолуција 1952 (2013) Правото на децата на физички интегритет
3ти октомври 2013
Брисел
