Мадона беше во право со стихот ,,Музиката придонесува кон заедништвото на луѓето‘‘. Еден од начините за сплотување на луѓето е музиката, и изведувачите преку неа може да опфатат каузи со кои се засегнати – правата на геј луѓето се таква кауза. Многу од изведувачите помогнале во кревањето на свеста околу ЛГБТ прашањата, преку нивната работа.
Следната листа на изведувачи е посветена токму на тоа. Независно од тоа дали се геј изведувачи кои ја рефлектираат сопствената сексуалност или пак се гласни застапници на еднаквоста на ЛГБТ, во продолжение следуваат топ 10 изведувачите кои му помогнале на ЛГБТ движењетo.
10. Johnny Dangerous
Johnny Dangerous е отворено геј рапер чии екстравагантни спотови и текстови го истакнаа од другите ЛГБТ изведувачи. Геј хип хоп сцена многу често поминува незабележано. И тоа е поврзано со екстремната хомофобија која се‘ уште окупира голем дел од хип хоп културата. За изведувач како што е Johnny Dangerous потребно е голема храброст, особено во искажувањето на својата сексуалност. Досега има издадено два албуми, како и неколку ремикси. Исто така се појавува и во документарецот “Pick up the mic”.
09. Kurt Cobain
Kurt Cobain е познат како водечкиот вокал на ,,Нирвана‘‘. Тој го напушти светот прерано, на 27 години, но зад себе остави незаборавна музичка трага. Како ниту еден друг музичар, Kurt доминираше на мејнстрим американската сцена и пред ,,Нирвана‘‘ да се прослават. Тој ги користеше своите настапи за да прозбори против хомофобијата и мизогинијата, така што придонесе кон запознавањето со овие прашања на новите генерации. Во 1992 година тој имаше интервју за геј магазинот The Advocate, и со тоа дополнително ја зацврсти поддршката за ЛГБТ заедницата.
08. Mika
Првиот албум на Mika од 2007-та година “Life in a cartoon motion” ја содржеше и песната “Billy Brown” во која се зборува за еден оженет маж кој има свои деца, но го напушта семејството затоа што е вљубен во друг маж. Неговиот втор албум “The boy who knew too much”, издаден во 2009-та година, ја содржеше песната “Toy boy”. Во оваа песна се зборуваше за едно младо момче кое е геј, и е злоупотребувано од својата мајка затоа што е геј. Така, по години на шпекулирање, Mika се ,,аутираше‘‘ во интервју за Instinct магазинот во 2012 година. Истата година, Mika го издаде својот трет албум “The origin of love”. Голем дел од албумот беше посветен на момчето на Mika.
07. Pansy Division
По чувството на замореност од dance музиката како и забавните тонови кои преовладуваат на геј сцената, Jon Ginoli ја оформи Pansy Division на почетокот на 90-тите. Со цел да ги прекрши бариерите и установените предрасуди, Pansy Division станаа првиот геј поп панк бенд. Тие пишуваа за искуствата како е да се биде геј маж на експлицитен начин и без жалење. Бендот се‘ уште е активен, а својата популарност ја доживеа во комбинација со Green Day на нивната Dookie турнеја.
06. Christina Aguilera
Christina Aguilera настапи со вистински став за внатрешната убавина и себе-возљубеноста преку песната “Beautiful” во 2002 година. Видеото вклучуваше портрети на индивидуи кои се третирани како социјални отпадници, вклучувајќи и геј пар, како и трансродово лице. За оваа песна, Aguilera доби награда на GLAAD за позитивно портретирање на геј и транс луѓето. Исто така, таа настапи со песната “Beautiful” на доделувањето на наградите.
05. Mellisa Etheridge
Melissa Etheridge јавно ја искажа својата сексуалност во јануари, 1993 година. Во септември, истата година, таа го издаде албумот “Yes I am” за што се верува дека името на албумот произлегува од нејзиното ,,аутирање‘‘. Албумот го содржеше и хитот “Come to my window”. Од тогаш таа е ЛГБТ активист. Во 2006 година, ја доби наградата Stephen F. Kolzak при доделувањето на GLAAD наградите. Со тие награди се почестени ЛГБТ медиумските професионалци кои придонеле кон значајна позитивна разлика во промовирањето на еднаквоста на правата.
04. Demi Lovato
Demi Lovato досега придонела кон многу филантропски обиди, вклучувајќи го и активизмот за еднаквоста на ЛГБТ. Во октомври, 2010 година, Demi беше гласноговорникот на PACER, организација против вознемирување заради сексуална ориентација и родов идентитет. Во мај, 2014 година, таа беше именувана за лидер на Поворката на гордоста во Лос Анџелес, на која го сними видеото за песната “Really don’t care”. Demi исто така беше водечкиот изведувач на Неделата на гордоста во Њу Јорк, и оттаму се вклучи во кампањата за човекови права со која се застапуваше поддршката за еднаквото право на брак. ,,Demi Lovato е неверојатен пример за денешната младина, како за ЛГБТ младите така и за сите останати, преку нејзиниот активизам во областа на еднаквоста, позитивните пораки за телесниот изглед и отвореноста на нејзината борба‘‘ изјави лидерот на NYC Pride, Пети Дилуиџи. Во изјавата, додава: ,,Како заедница, среќни сме што ја имаме Demi како сојузник.‘‘
03. Macklemore & Ryan Lewis
Macklemore & Ryan Lewis во последно време ги доживуваат врвовите на својата слава со хитовите. Иако, песната која не се заборава е “Same love”, во која се зборува за еднаквоста на ЛГБТ. Инспирирана е од чичкото на Macklemore, Џон Хаџерти, кој се појавува на корицата од албумот со неговиот партнер Шеан. Дуото ја изведува песната заедно со отворено геј пејачката Мери Лембарт, како што беше случајот со настапот на Греми наградите, кога се одржа масовната венчавка на 33 парови, меѓу кои имаше и геј и стрејт парови, а целата церемонија беше предводена од Queen Latifah и Madonna како свадбена пејачка. Така, песната се искачи на 11-тото место на листата Hot 100, а исто така беше номинирана за наградата BET Hip Hop за песна со најдобро влијание. Нивниот успех е исклучителен, имајќи предвид дека двајца хетеросексуални мажи се толку гласни и јасни во заложбата за еднаквоста на ЛГБТ во светот на хип хоп музиката.
02. Janet Jackson
Janet Jackson многу често гласно ја изразувала својата поддршка за ЛГБТ заедницата. Во нејзиниот албум од 1997 година, “The velvet rope” таа ја вклучи и песната “Free Xone” – песна за дискриминацијата и хомофобијата. Исто така го поддржа и Gay Liberation фронтот, група за права на геј луѓето, и се појави на PSA за поддршка на младите ЛГБТ луѓе по убивањето на Lawrence King. Во 2008 година, Janet ја доби наградата Vanguard при доделувањето на GLAAD наградите. Исто така, таа отворено го поддржа Trevor проектот и во моментот е вклучена во продукцијата на филмот за животот на трансродовите луѓе – Truth.
01. Madonna
Во 80-тите многумина ја користеа ХИВ епидемијата за поттикнување на хомофобија. Madonna беше една од првите мејнстрим фигури која прозбори во одбрана на геј заедницата во тие времиња. Таа се вклучи во борбата против СИДА-та, охрабрувајќи ги медицинските истражувања и практиките на безбеден секс. Таа го истакна voguing – начинот на играње кој беше карактеристичен за геј клуб сцената во Њу Јорк, и тоа беше проследено со фотографии од Поворки на гордоста во документарец за нејзините турнеи – Truth or Dare. Таа исто така се поистоветуваше и со геј, лезбејски и бисексуални афекти во Truth or Dare, како и во видеото за песната “Justify my love” и книгата “Sex”. Сето тоа се случуваше во раните 90-ти, пред таквото однесување да биде во тренд. Неодамна, Маdonna прозборе и против вознемирувањето заради сексуална ориентација и родов идентитет, анти-геј законите во Русија и Африка, како и против Boy Scauts анти-геј полицијата. Застапувањето на Madonna за ЛГБТ заедницата беше посебно признаено кога геј магазинот The Advocate ја именуваше Мadonna како најголема геј икона, во 2012-та година.
Од 80-тите, преку 90-тите, до сега, претставувањето на ЛГБТ преку музиката има долга историја. Независно од тоа дали се поп икони или непознати и независни пејачи, овие изведувачи ги искористуваат своите позиции за да помогнат во прогресот на ЛГБТ луѓето. Со тоа тие ја ризикуваат сопствената популарност, при заложувањето за она во што веруваат. Затоа овие изведувачи заслужуваат признавање и почит.
Извор: http://lgbteen.org
