Советот на Европа со нови препораки за здравствената заштита на транс луѓето

Парламентарното Собрание на Советот на Европа во една своја Резолуција повика на обезбедување еднаков пристап до здравствена заштита за трансродовите лица. „Собранието вели дека нееднаквиот пристап до здравствената заштита, вклучително и од областа на менталното здравје, особено влијае на ранливите групи, вклучително и трансродовите лица.“

Собранието ги повикува земјите-членки:

–  „да се осигураат дека цената на здравствените услуги не го попречува пристапот до истите“

–  „да се осигураат дека установите и професионалците од областа на здравствената заштита се пристапни“

–  „да се осигураат дека информациите за здравствениот систем се достапни, вклучително и вакцинација и скрининг програми, да воспостават програми за здравствена едукација, земајќи ги предвид специфичните потреби на различните ранливи групи“

–  „да ги поедностават административните процедури за добивање на здравствена заштита“

–  „да одржуваат тренинг за политики за здравствени работници истакнувајќи ја потребата од борба против арбитрарна примена и дискриминација“

Целосната Резолуција 1946 (2013) можете да ја прочитате наhttp://assembly.coe.int/ASP/Doc/XrefViewPDF.asp?FileID=19991&Language=en

Исто така, 20 парламентарци ја критикуваа Литванија за нејзиното неспроведување на пресудата на Европскиот Суд за човекови права за случајот Л. против Литванија кој се однесува на пристапот до третман за потврдување на родот, велејќи дека ова го продолжува нехуманиот третман на трансродовите луѓе во државата. Во 2007, ЕСЧП во дадениот случај пресуди дека мора да се воведат јасни процедури за потврдување на родот. На 23ти март 2013, Парламентот на Литванија даде иницијална поддршка на граѓанскиот кодекс во кој се забранува вршење на операции за промена на полот во рамките на државата.

Изјавата можете да ја прочитате тука: http://assembly.coe.int/ASP/XRef/X2H-DW-XSL.asp?fileid=20008&lang=EN