Кампања на Planting Peace против хомофобијата на Доналд Трамп

Уште неколку дена остануваат до одржувањето на Републиканската Конвенција во Кливленд, но во меѓувреме во градот се појави голем билборд на кој што се прикажани Доналд Трамп и неговиот ривал Тед Круз во бакнувачка поза со познатиот „француски бакнеж“. Ова дело претставува и своевидна реплика на познатиот мурал на Врубел Димитри, на кој беа прикажани Леонид Брежњев и Ерих Хонекер и тоа на Берлинскиот ѕид, по неговото рушење.

Поставувањето на билбордот е дело на Planting Peace, непрофитна организација, основана со цел да шири мир во овој свет кој повредува – како што стои во нивниот опис.

Она што Доналд, Тед и целата Републиканска платформа не успеваат да го реализираат и за што всушност не се грижат, се зборовите и делата кон ЛГБТ семејствата, особено ЛГБТ децата врз кои најмногу имаат влијание таквите дела и зборови – истакнуваат од страна на организацијата, а потенцирајќи ги штетните конзервативни политики за кои се залагаат републиканските кандидати за претседател на САД. „ЛГБТ децата ги слушат овие политички пораки, каде што им е посочено дека не се ништо повеќе од второ-класни граѓани, така што се оставени со своите „скршени срца“…“ – напиша Aaron Jackson, претседател на Planting Peace.

Инаку, организацијата Planting Peace е позната и по својата претходна акција, кога ја купи куќата од спротивната страна на баптистичката црква – Westboro Baptist и ја обои во боите на виножитото, во 2013 година. Минатиот месец, истата организација направи мала промена на фасадата на ова куќа и ја обои во боите на знамето на трансродовата заедница.

Извор: www.nbcnews.com