Во Германија е отворен првиот шелтер за бегалци со хомосексуална ориентација

Овој понеделник, во Германија се отвори првиот шелтер за за бегалци со хомосексуална ориентација, откако беше забележано зголемување на ризикот од напади и закани кон сексуалните малцинства во преоптеретените места за привремено сместување.   

Активирани се новите капацитети за домување во Јужна Германија, Нирнберг, како иницијатива на Michael Glas и неговата асоцијација Fliederlich.

„Никој не е сместен овде, се’ уште, но во прашање се само неколку денови откако шелтерот е отворен. Инаку се е подготвено за сместување“ изјави тој за AFP.

„Четири луѓе од Иран, Ирак, Сирија и Етиопија поднесоа барање за сместување во мали, двособни соби“ додаде Glas.

Ова асоцијација одлучила со покренување на ваков шелтер, откако 20-тина бегалци реагирале дека добивале закани на другите места, каде што биле сместени. 

„Предрасудите не исчезнуваат, откако ќе се преминат границите“ вели Glas, кој истакна дека тие што се прогонувани во нивните родени земји, заради различната сексуална ориентација, исто така се таргетирани и во шелтерите за бегалци во Германија.  

Освен овој шелтер во Нирнберг, исто така постои можност и за отворање на ист таков шелтер со поголеми капацитети, во Берлин. Капацитетите на овој шелтер ќе бидат и до 120 кревети. 

Не постои база со информации за тоа колку напади се случиле врз хомосексуалците бегалци, низ цела Германија. Потсетуваме дека Германија прими околу еден милион бегалци и барања за азил, во текот на 2015 година.

Здруженијата кои работат во областа на човековите права на ЛГБТ во Берлин и Бранденбург, велат дека забележале 95 случаи, помеѓу 1-ви август и 31-ви декември, на психолошко и физичко насилство кон бегалците со хомосексуална ориентација.

Извор: www.france24.com