Будистички монах за потребната почит кон ЛГБТИ

Аџахн Брам, монах во будистичкиот манастир во Серпентин, западна Австралија, како и спиритуален водич на будистичкото братство во Сингапур, повика на почит, сочувство и праведност кон ЛГБТИ луѓето.

Неговите коментари се однесуваа на поставено прашање за будистичките позиции за ЛГБТ темите. 

Аџахн Брам, зборувал пред публика од над 500 луѓе, на настан организиран од будистичкото братство во Сингапур. 

Обраќајќи се на публиката, тој истакна: ,,Будизмот не‘ учи на сочувство со сите свесни суштества. Зарам геј луѓето не се свесни суштества? Тие треба да бидат почитувани како и сите други. Затоа што постои принципот на сочувство и правичност кон сите.‘‘  

Брам дополни дека е многу горд што учествувал во склучувањето на истополов брак, благословувајќи еден пар од Норвешка, и со тоа посочи дека будистичките учења не може да дискриминираат по основ на сексуална ориентација.

,,Не постои такво нешто во сутрите, во учењата на Буда, што значи дискриминирање на некого заради раса, религија или сексуална ориентација. Затоа барам од сите будисти да покажат сочувство и да ги почитуваат сите.‘‘

Понатаму, Брам предупреди дека опресијата на природната сексуалност на ЛГБТИ луѓето може да предизвика сериозни психолошки и здравствени проблеми, како и да наштети на оваа заедница.

,,Ако дискриминирате и со тоа ја сузбивате природната сексуалност на некоја личност, тоа предизвикува ужасна штета. На многу места на Западот, ова е препознаено како наштетување на целата зедница. Моралноста не може да се распадне, доколку не дискриминираме.‘‘ 

Исто така, тој објасни дека не можел да ја разбере хомосексуалноста како лаик, но неговите погледи за тоа се развиле  откако станал будистички монах ,,Многу години порано, еден водач на геј заедницата во Перт ми пристапи и со голема болка ми кажа – Религијата е многу сурова кон геј заедницата. И откако го слушнав тоа, можев да ја почувствувам неговата болка. Никогаш не го заборавив тоа. Големата повреда на неговата суштина е недозволива.‘‘

Извор: http://www.gaystarnews.com