Родителите се придружија на ЛГБТ движењето во Турција

Трети април е светски ден на видливоста на трансродовите, транссексуалните и родово неконформираните лица, или скратено, транс луѓето.

За разлика од Денот на сеќавање на трансродовите лица (20ти ноември) кои веќе не се меѓу нас како последица на насилство поради трансфобија, Денот на видливоста на транс луѓето се фокусира на сегашноста, на подигање на гласот на транс луѓето и свеста за нивната присутност во општеството, нивните права и потреби. Тоа е ден кој го слави постоењето на транс луѓето, нивните разнолики идентитети и она за што се залагаат – еднаквоста, со внимание кон добрите нешта во транс заедницата, а не само на оние кои го загубиле животот поради трансфобија.

Во ситуација во која постојат повеќе видови на отпор и обиди да се маргинализира транс популацијата, важно е да се работи на видливоста. Во светот, како резултат на транс активизмот, постигнат е голем напредок на полето на правните промени и регулирање на правата на транс луѓето. Постојат држави во кои ништо не е регулирано, но постојат држави во кои можно е, на пример, да се направи комплетна промена на документите, без никакви услови.

Во нашата држава, битката за правата на транс луѓето е се’ уште на почеток. Родовиот идентитет не постои како категорија во законот за заштита од дискриминација. Транс луѓето се безмалку невидливи, со исклучок на неколку интервјуа, кои одвреме-навреме се појавуваат во медиумите, понекогаш со сензационалистички наслови, и најчесто поминуваат со негативни коментари.

ЛГБТИ Центарот ги повикува сите транс луѓе и нивните поддржувачи, семејства, пријатели, медицински лица од сите специјалности, правни експерти, да ни се придружат во движењето за видливост и еднаквост. Постојат многу промени кои треба да се направат, и во правниот и во здравствениот систем, но секако и во менталитетот на самите луѓе.

Да си видлив/а, значи дека постоиш, а ако постоиш, имаш права.

Линк до транс групата за поддршка во рамките на ЛГБТИ Центарот