За родителската гордост и нивните трансродови синови

Две фамилии од Сан Франциско имаат нешто што дополнително ги прави горди во оваа сезона на гордоста: радоста заради одгледувањето на нивните трансродови синови. 

Во неодамнешното видео од мрежата на Опра Винфри ,,Нашата Америка‘‘, новинарката Лиса Линг на гледачите им ги претставува Тију, Ландон и нивните родители во серија за фамилиите со нивните ближни – трансородови лица. Линг почнала да прави профили на младите луѓе уште пред три години или на почетокот на нивната медицинска транзиција. Во видеото, таа им се придружува на локалната Поворка на гордоста, преку рефлектирање за искуството со нивните фамилии.

Станало очигледно низ годините на медицинска интервенција дека родителите на Тију и Ландон го надминале само прифаќањето на родовиот идентитет на нивните синови, односно тие почнале да им се восхитуваат и да бидат инспирирани од нивните синови додека ја сведочеле родовата трансформација преку поширокиот процес на бидување успешен млад човек.

Во тој правец, Линг го поставува и тешкото прашање: Додека транзицијата значи извесна слобода за трансродовите лица, што значи истата за нивните родители?

Тоа што може да се научи од Ким, мајката на Тију е дека одговорот на ова прашање може да биде комплексен. Таа зборува за нејзината почетна борба околу чувствата на губиток и некогашното ,,имање ќерка‘‘. Но денес, како што поентира и Линг, постои светлина во Ким, затоа што и таа поминала низ транзиција. 

Ова видео покажува дека родителите може да им помогнат на нивните трансродови деца да станат ,,тоа што вистински се‘‘, и транс децата истото може да го направат за своите родители преку симултано придвижување кон автентичноста. ,,Ти одсекогаш знаеше кој си‘‘ заклучува Ким гледајќи го низ солзи Тију, за време на Поворката на гордоста.

Извор: http://www.advocate.com