Законската анти-геј пропаганда во Русија го сруши споменикот на Стив Џобс

Според Ројтерс, преку NBC News, меморијалниот објект во Санкт Петерсбург, изграден во чест на Стив Џобс – основачот на Apple, беше тргнат, заради јавното изјаснување на неговиот наследник Тим Кук како хомосексуалец. 

Подигнат од страна на руската корпорација ЗЕФС во 2013 година, споменикот кој имаше форма на iphone и беше висок околу шест метри, беше лоциран во кампусот на техничкиот факултет надвор од Санкт Петерсбург. 

Минатиот петок, корпорацијата ЗЕФС која го подигна и ја финансираше изградбата на споменикот, истиот го разруши. 

ЗЕФС настапија со јавно соопштение, во кое се укажува на нивната обврска за почитување на рускиот закон кој се однесува на геј пропагандата. Во Русија, геј пропагандата и други сексуални перверзии помеѓу малолетници се забранети со закон – велат од ЗЕФС. Тие истакнуваат дека споменикот бил подигнат во ,,област на директно влијание на млади студенти и научници‘‘. Само еден ден по јавното изразување на хомосексуалната ориентација на Тим Кук, од ЗЕФС одлучиле и го оствариле рушењето на споменикот посветен на Стив Џобс.  

,,Откако наследникот на Apple, Тим Кук јавно беше прозван за содомија, споменикот беше срушен заради почитувањето на рускиот федерален закон со кој се заштитуваат децата од информации околу одбивањето на традиционалните семејни вредности‘‘ – стои интегрално во соопштението на ЗЕФС. 

Fortune пак, известуваат дека постои дубиоза во врска со рушењето на споменикот, односно дека подеднакво валидна причина е и изјавата на Сноуден дека продуктите на Apple вршат трансмисија на личните податоци на корисниците на тие продукти, до американските тајни служби. 

Сепак, од Apple ја демантираат таквата изјава и укажуваат дека е потребен судски налог за пристап на властите до таков вид на податоци. Тим Кук во врска со ова, децидно посочи дека американската администрација нема пристап до нивните сервери.  

Извор: http://www.out.com