Антарктикот е прогласен за прв „геј френдли“ континент

Глобалната непрофитна организација „Planting Peace“, неодамна го прогласи Антарктикот за првиот ЛГБТ пријателски континент, при што беше испратена пораката дека нема да се престане во борбата за правата на ЛГБТ луѓето „се додека сите сексуални и родови малцинства не ги остварат своите темелни права, во сите делови од светот“. 

Антарктикот е познат по исклучително ниските температури, пингвините, а од сега и по тоа што е и првиот “геј френдли“ континент на светот, барем како што посочуваат од  Planting Peace.

Членовите на ова глобална организаицја, која е основната од страна на Equality House од САД, неодамна имаа патување на Антарктикот, носејќи го со себе знамето со боите на виножитото, така што на симболичен начин ќе може да прогласат целосна застапеност на човековите права на ЛГБТ луѓето, дури и на континент кој е многу ретко населен, но тоа ќе се однесува и на оние кои го посетуваат заради различни причини. Со тој гест, воедно од организацијата напрација и обид за покревање на свеста за потребата од гаранции за еднаквоста за сите квир луѓе на глобално ниво.  

„Патував до Антарктикот со цел да учествувам во проширувањето на пораката за потреба од остварување на своите темелни права за сите припадници на ЛГБТ заедницата. Ми беше чест да го носам со себе знамето со боите на виножитото, низ делови од Антарктикот, а Planting Peace и понатаму ќе се борат за еднаквост“, вели Aaron Jackson, претседател на организацијата, за Huffington Post.

Ова организација до сега имаше неколку такви симболички акции, меѓу кои и поставуванје на голем рекламен плакат во родниот град на Kim Davis, службеничката која стана светски позната поради тоа што одбиваше да издаде дозвола за венчање на истополов пар, откако беше прогласена брачната еднаквост за легална на целата територија на САД. 

Извор: www.crol.hr