Запознајте ја Клауде, интерсекс сексуалната работничка од Швајцарија

Ова е Клауде. Клауде е сопруг, дедо и велосипедист со многу освоени награди. Таа исто така е интерсекс сексуална работничка.

Фотографот Малика Годин Делриу се вљубила во приказната на Клауде толку многу, што одучила да го документира нејзиниот живот преку фотографии. Возбудливата серија фотографии, Делриу одлучила да ја именува како ,,Животот на розата‘‘. Фотографиите го прикажуваат секојдневниот живот на Клауде, и тоа од разгледување на накит по излозите од продавниците до прегрнувањето на на Андре, нејзината жена која има 52 години и е мајка на нивните три деца. 

Клауде е родена со машки и женски полов орган, заедно, но нејзините родители се одлучиле за машкиот пол, откако се родила во Швајцарија во 1937 година, имајќи ги предвид чистите придобивки од машкиот пол. Во текот на животот, полот имал голема улога во идентитетот на Клауде, иако тоа не значело одредено негово дефинирање. ,,Никогаш не сум се почувствувала лошо затоа што сум хермафордит, можеби другите имаат проблем со тоа, но јас немам” раскажува Клауде. ,,…Од секогаш сум се чувствувала како девојка и соодветно на тоа сум живеела. Го имам полот на ангелите, зошто да се срамам од тоа?‘‘ продолжува Клауде во разговорот со Делриу.

И покрај нејзиниот неконвенционален идентитет, како и изборот на професијата кои се врзани со траума и срам, Клауде ги истакнува и двата аспекти на нејзиниот живот со радост и гордост. Одбивајќи да биде сожалувана заради реакциите на другите луѓе, Клауде ја создава сопствената сила како исход од нејзината љубов за себе. Со искреност и храброст, таа го креира својот живот базиран на своите правила – живот кој, покрај неконвенционалните детали од нејзиното постоење, ги содржи универзалните компоненти како што се работата, фамилијата, мемориите и љубовта. 

Во продолжение може да погледнете дел од серијата фотографии со Клауде ,,Животот на розата‘‘:

Извор: http://www.huffingtonpost.com/2014/04/01/malika-gaudin-delrieu_n_5063445.html?ncid=fcbklnkushpmg00000063#