Ирскиот претседател го потпиша уставниот амандман за брачна еднаквост

Ирскиот претседател Michael Higgins го потпиша указот со кој геј браковите сега се дел од Уставот на Ирска. 

Амандманот кој содржи „бракот може да биде склучен во согласност со законот помеѓу две лице без оглед на нивниот пол“ беше додаден во саботата (29 август) во резиденцијата на претседателот. 

„Ова е историски момент за ЛГБТ луѓето, како и за сите други во Ирска. Откако следеа радосните моменти по преовладувањето на ЗА гласовите, овој мај, прекрасно е што претседателот Higgins го потпиша 34-от амандман на Уставот на Ирска (амандманот за брачна еднаквост) и со тоа референдумскиот резултат стана официјален“ вели Kieran Rose од Gay and Lesbian Equality Network.

Ирска стана првата земја која ја легализираше брачната еднаквост преку одржување на референдум, овој мај, при што резултатите беа во полза на закон со кој ќе се промени уставната дефиниција на бракот (62% гласови ЗА). Процедурата е таква што претседателот треба да го потпише актот, со што стапува на сила, но пред да почне со имплементација и овозможување на склучување на геј бракови, истиот треба да помине и во парламентот, а тоа е закажано за следниот месец. 

„Во наредните недели, ќе го видиме новиот Закон за брак, 2015, кој ќе има за цел промена на правото и практиката, така што во Ирска ќе биде возможно да се склучуваат бракови без оглед на полот на партнерите“ изјави министерот за правда Фитзџералд.

Извор: www.gaystarnews.com