Во Пакистан е објавена првата ЛГБТИ тематска книга за деца

Новата книга на пакистанска авторка која живее во Торонто, Канада е наменета да поучува на толеранција кон ЛГБТИ лицата во Пакистан и пошироко.
,,Мојот Чача е геј‘‘ се претпоставува дека е првата книга дизајнирана да ги поучува децата за различни семејни односи, преку која се раскажува приказната на детето Ахмед. Ахмед живее во градот Карачи во Пакистан со омилениот чичко Чача, како и со останатиот дел од неговото семејство – неговите родители, сестра и баба, кои постојано ги посетува чичко Фахим, пилот и партнер на чичко Чача, кој му дозволува на Ахмед да ја носи неговата пилотска капа.

Раскажувајќи ја својата приказна, Ахмед ја истакнува приврзаноста со чичко му Чача и начинот на кој тие заедно се забавуваат. Но исто така, во приказната се појавува и еден конзервативен маж кој му посочува на Ахмед дека е правилно да се ожени, но Ахмед на таквата реакција возвраќа со неговото сознание дека љубовта на чичко Чача и чичко Фахим е иста како онаа на неговите родители.

Авторка на книгата е Еина НМ, која изјави дека мотивот да ја напише оваа книга е сузбивањето на стереотипите за геј луѓето во Пакистан, но и сузбивањето на стереотипите за Пакистанците воопшто, посочувајќи на нивните различни погледи на животот.

,,Сонувам за прогресивен Пакистан како спротивност на екстремистичката држава кон која се стреми. На целата религиозна нетолеранција и ектремизам, потребно е да се возврати со уметност и едукација. Најдобриот начин да се направи ова, по мое скромно мислење, е децата да започнат уште од рана возвраст со учењето на толеранција и различност.‘‘ смета Еина НМ. 

Извор: http://www.gaystarnews.com/