Во пораст е отвореноста кон сексуалноста

Речиси една четвртина од возрасните испитаници од Велика Британија, како и половина од нив, од 18 до 24 години, велат дека имаат одредени хомосексуални чувства, односно дека не се чувствуват 100 % хетеросексуално – покажуваат резултатите од истражувањето кое неодамна беше спроведено од страна на една угледна организација за мерење на јавното мислење YouGov.

Од 1632 испитаници, на прашањето како се позиционираат на рамништетот на сексуалноста, во распон од исклучиво хетеросексуалци до исклучиво геј, 49% од нив ја одбрале позицијата „не потполно хетеросексуални“, а само 4% од возрсните испитаници се декларирале како целосно геј. Нешто помалку од половина од испитаниците мислат дека се целосно хетеросексуални, додека 43% од нив се изјасниле дека се „некаде помеѓу“ пренесува Independent.

89% од луѓето на возраст од 60 години и повеќе се изјасниле како целосно хетеросексуалци, а повеќето од тие испитаници оделе на училиште во време кога машката хомосексуалност била легализирана, односно во 1967 година. Една четвртина од испитаниците, на возраст од 18 до 39 години изјавиле дека имале хомосексуални искуства, додека само 9% имале такви искуства оние на возраст од 60 и повеќе години. Мажите повеќе од жените имале хомосексуални искуства, односно една петтина од сите мажи во споредба со 14% од жените кои учествувале во истражувањето. 

Will Dahlgreen од “YouGov“ во врска со истражувањето изјави: Овие бројки очигледно не покажуваат колку се активни бисексуалците/ките, но повеќе од се’ е покажано дека во пораст е отвореноста кон сексуалноста воопшто.“

Извор: www.crol.hr