Фасцинантни фотографии (,,пред‘‘ и ,,после‘‘) на трансродови луѓе

Професионалното портфолио на фотографката Claudia Gonzalez (Клаудија Гонзалес) најчесто ги опфаќа модните портрети и интимните будоарски фотографии, но нејзината лична работа има многу потрогателен фокус. Во серијата ‘‘Reassign‘‘ Гонзалес во соработка со CENESEX (Националниот центар на Куба за сексуално образование) подготви одлични фотогрфаии кои со правење на ,,пред‘‘ и ,,после‘‘ портрети (портрети од транзицијата) на припадници на трансродната заедница во Куба.

Комбинирајќи ги фотографиите, прво се прикажани индивидуите пред да го започнат процесот, а потоа се прикажани во завршетокот од процесот, и со тоа се укажува на комплексноста на таквите одлуки кои значат промена на животот. Она што е фасцинантно е што фотографиите се направени во ист ден, односно сетовите се навистина репрезентативни за патувањето на фотографираните.

Оттука, промената во облекувањето, додавањето на шминка, како и стилизирањето на косата ја покажуваат очигледната промена во родовиот идентитет. И тоа како индивидуална експресија, во голема мера се одразува и на состојбите на овие индивидуи, имено во ,,пред‘‘ кадрите овие луѓе изгледаат резервирано и мрачно, но ,,после‘‘ кадрите ја демонстрираат самоувереноста на истите овие луѓе. 

Во продолжение, погледнете дел од фотографиите од ‘‘Reassign‘‘ серијата.

Извор: beautifuldecay.com