Како една 92-годишна госпоѓа на исклучителен начин ги поддржува своите ќерки лезбејки веќе 30 години

Големата поддржувачка на ЛГБТ права, Францис Голдин е учесник на Поворките на гордоста во Њу Јорк од самите почетоци, а станала препознатлива по транспарентот кој го носи и кој ја има истата порака веќе 30 години – „Ги обожавам своите ќерки лезбејки // Чувајте ги!“

Оваа 90-годишна госпоѓа станала поддржувач на ЛГБТ заедницата уште за време на првата Поворка на гордоста во Њу Јорк, во 1970 година, кога нејзините ќерки се аутирале. Првично на транспарентот било испишано „Ги обожавам своите ќерки лезбејки“, а пораката „Чувајте ги“ ја додала во 1993 година, кога учествувала на историскиот ЛГБТ марш во Вашингтон, а кога се наметнала потребата од поставување и на барања. 

На задната страна на транспарентот пак, пишува – „горда мајка на лезбејки“, а Францис Голден секоја година стои на истото место и доаѓа на Поворката без разлика на тоа дали присуствуваат и ќерките – пренесуваат PinkNews.

„Доаѓам на Поворката, од нејзините почетоци и мафтам со својот транспарент. Таа порака навистина ги трогнува луѓето, особено оние кои биле избркани од своите родители. Луѓето секогаш сјајно реагираат и тоа го доживувам како поттик да доаѓам и понатаму“ – истакнува Францис. 

Нејзините ќерки од друга страна истакнуваат дека понекогаш се случува следното: млади луѓе доаѓаат и ја замолуваат Францис за поддршка, која често им пишува и на нивните родители и ги охрабрува да ги прифатат своите деца. 

„Мислам дека некои го променија своето мислење и се радувам за нив. Сите родители би требало да ги поддржуваат своите геј деца, бидејќи во спротивно губат многу“ – порачува Францис.

Извор: http://www.crol.hr/