Вонредна седница на словенечкиот парламент за истополовите бракови

Во Словенија, вчера, се одржа вонредна седница на националното собрание, на која требаше да се одлучи дали DS-ROM ќе стави вето на предложениот амандман на законските одредби за истополови бракови. Потсетуваме дека минатата недела, словенските пратеници со мнозинство гласови ги усвоија измените и дополнувањата на Законот за брак и семејство, и ја озаконија брачната еднаквост.  

Пратеникот Мирко Кожељ цени дека тие измени ќе доведат до неуставен и непримерен процес на посвојување, од аспект на интересите на децата. Имајќи предвид дека се‘ уште пристигнуваат потписи со барање за преиспитување на законот, кои барања ги собира коалицијата “Za otroke gre” и вкупниот број на истите треба да изнесува 2500, за да бидат предадени во словенечкиот парламент – вели Метак Зевник од погоре посочената коалиција.  

И црквата во акција за собирање на потписи

Комисијата сочинета од словенски бискупи кои се дел од Словенската бискупска конференција „Правда и мир“ веќе ги приложила деталните упати за тоа како треба да се собираат потписи за референдум во врска со нацрт-измените и дополнувањата на Законот за брак и семејни односи. 

Со порака на бискупот Петар Стумпфа се повикуваат верниците на потпишување на иницијативата за организирање на референдум по прашање на дефинирањето на бракот и семејството, при што значителен дел од верниците по одржувањето на неделната миса така и постапиле.  

Извор: www.crol.hr