Запознајте се со фотографот кој потроши 35 години на фотографирање на трансродовата убавина

Фотографот Мариет Пети Ален при едно патување во Њу Орлеанс во 1978 година, престојувала во ист хотел со група на возбудливи трансродови лица. Koга таквата група се појавила во светкави фустани и екстравагантни пердуви во хотелот, ја поканиле Ален на доручек и таа ја прифатила поканата, но со себе ја понела и својата опрема за фотографирање. 

,,Првата фотографија што ја направив од оваа група беше додека тие стојат покрај базенот, и со тоа се промени мојот живот‘‘ објаснува Ален. ,,Откако ја доближив камерата до моите очи, се пронајдов себеси во очите на личноста која стоеше во средината на групата. Од еднаш, повеќе не гледав маж или жена, туку есенцијата на човечкото суштество – душата. Преку среќавањето со овие луѓе, ја имав привилегијата да влезам во сокриен свет и тоа ми го обезбеди пасошот за патување отаде бариерите‘‘ дополнува Ален. 

Ова случајно искуство го поттикна животното уметничко творештво преку документацијата на родово-неконформираните и трансродови индивидуи. Во доцните ‘70ти и на почетокот на ‘80тите, Ален заврши со својата работа која никогаш порано не била направена. Со секоја фотографија таа придонела кон мазно достигнување во искуствата на родовите варијации, откривајќи ја убавината што ја придружува родовата слобода пред своите модели, како и пред своите сакани. Многу од нејзините модели не се чувствувале целосно комотно во изразувањето преку родот, се‘ додека не погледнале во својата внатрешност преку разгледувањето на фотографиите.

,,Ја гледав и се‘ уште ја гледам својата работа како уметност која се фокусира на ,,де-фрикизација‘‘ на луѓето со различни родови‘‘ вели Ален. ,,Ја согледав потребата да ги фотогрфирам трансродовите лица во светлото на секојдневниот живот, заедно со нивните сопруги и деца, дома или надвор, како и на трансродови средби.‘‘ Работата на Ален беше компилирана во рамки на изложбата ,,Трансформации‘‘ која беше организирана во Галеријата ,,Симон Ловински‘‘ во 1990 година. 

Некои од фотографиите на Мариет Пети Ален може да ги погледнете подолу:

Извор: http://www.huffingtonpost.com