Судири во Подгорица за време на Прајд Парадата. Хулиганите најдоа прибежиште во црква

Кристи Пиндери од Подгорица

Фото: Ерјон Тела

Вчера во Подгорица беше организирана првата геј прајд парада, која беше спроведена под донекаде екстремни и импресивни безбедносни мерки преземени од страна на полицијата и анти-терористичките сили на Црна Гора.

Во оваа држава има вкупно четири илјади полицајци: 50 проценти од нив, или две илјади, беа ангажирани за овој настан. Поставени беа најмалку десет полицајци за секој од двестоте активисти кои маршираа со ЛГБТИ знамиња, додека полицискиот хеликоптер ја набљудуваше ситуацијата одозгора.

Но, неколку стотини екстремни опоненти на Прајдот, најголемиот дел тинејџери, сепак успеаа да предизвикаат насилни инциденти надвор од периметарот на областа каде беше организиран Прајдот. Тие фрлаа камења кон полицијата и искршија излози на неколку продавници, додека полицијата реагираше со солзавец.

Булеварот „Краљ Никола“ каде денес маршираа ЛГБТИ активистите, е простор главно опкружен со државни згради и најверојатно беше најбезбедното место во градот денес. Полициските службеници беа поставени не само на булеварот, на улиците и на крстосниците, туку и на покривите на сите згради во близината на маршот.

Другите делови на Подгорица, особено местото каде е ситуирана една скоро инаугурирана православна црква беа речиси окупирани од страна на хулиганите кои најдоа прибежиште од полицијата во внатрешноста на црквата. Свештениците во тој момент држеа литургија против прајдот. Некои извори изјавуваат дека зградата на една телевизија била исто така нападната, додека официјалните интернет страни на некои од масовно следените медиуми крахираа откако нивниот сообраќај беше екстремно зголемен поради читателите кои беа постојано во потрага по повеќе информации.

„Нема да се откажеме“, рече Даниел Калезиќ, еден од организаторите на Прајдот, „с? додека ЛГБТ луѓето не ги уживаат правата во целост.“

Новоизбраниот директор на ЛГБТ Форум Прогрес, Стеван Миливојевиќ рече: “Конечно имаме ЛГБТ движење во оваа држава.“ Пред Прајдот, членови на неговата организација беа физички нападнати.

Извор:Historia