,,Ѕуница‘‘ со конкурс за дизајн на постер

Фестивалот Ѕуница за прв пат се оддржа во 2004, во организација на “Центар за граѓански и човекови права“, која имено беше и првата ЛГБТ невладина организација во Македонија. Темата на фестивалот беше желбата за еднаквост на ЛГБТ лицата во Македонија, како невидлива заедница. 

Оваа година, фестивалот ,,Ѕуница‘‘ објави Конкурс за дизајн на постер.  

Конкурсот е отворен за сите дизајнери, филмаџии и поддржувачи на Фестивалот Ѕуница. Идејните решенија или дизајнираните постери пратете ги на dzunicafestival@gmail.com. Пристигнатите предлози ќе ги разгледува тричлена комисија, составена од страна на организаторот. Конкурсот е отворен до 12 октомври 2014.
Избраното идејно решение ќе добие скромна парична награда и ќе биде искористено за брендирањето на целиот Фестивал.
Приказната на Фестивалот Ѕуница започнува како обид да се доближи ЛГБТИ филмот до заедницата, а годинава е веќе препознатлив фестивал и го слави десетиот роденден. Многу дизајнери, фотогорафи, организатори, активисти, волонтери, музичари, актери, уметници и филмаџии го израснаа фестивалот и ја испишаа неговата десетгодишна историја.

Повеќе за фестивалот може да прочитате на www.dzunicafestival.mk.