Британија ги легализираше истополовите бракови

Британија ги легализираше истополовите бракови откако Кралицата Елизабета II на законот го стави нејзиниот Кралски печат за одобрување, отвојајќи го патот за првата истополова венчавка наредното лето.

Законодавците го поздравија говорот на Говорникот на Долниот дом, Џон Берков, во кој тој рече дека кралската согласност е добиена – еден ден откако законот за легализација на истополовите бракови во Англија и Велс беше изгласан во Парламентот.

Одобрувањето од страна на Кралицата беше само формалност и претставува последен чекор кој е потребен за да еден нацрт закон биде прогласен за закон.

Законот овозможува  истополови двојки да стапат во брак во цивилни, како и во религиозни заедници во Англија и Велс, и покрај тоа што Црквата на Англија донесе забрана за венчавање на истополови двојки во својата организација. Законот исто така ќе им овозможи на двојките кои предходно биле во цивилни партнерства – заедница од кој произлегуваат слични права и обврски како од бракот – да ги претворат таквите партнерства во брак.

Британската Влада го изготви предлог законот во Јануари.

Премиерот Дејвид Камерон го поддржа законот кој ја подели неговата Конзервативна партија и беше повод за жетоки дебати во Горниот, како и Долниот дом на парламентот.

Извор: abc news